Portada Conceyos El Conceyu d’Uviéu foi premiáu pol so proyectu de ciberseguridá

El Conceyu d’Uviéu foi premiáu pol so proyectu de ciberseguridá

by redacción asturnews

El Conceyu d’Uviéu foi galardonáu por ASLAN, l’asociación formada poles principales empreses fabricantes de soluciones TIC, operadores, integradores, centros de datos y provisores de servicios cloud comprometíos cola innovación TIC y ciberseguridad, nos XIV Premios al Tresformamientu dixital de les Alministraciones Públiques, convocaos dientro del Congresu añal ASLAM2022, que se celebra dende ayeri en Madrid.

El proyectu de Protección y Ampliación a Plataforma de Detección d’Ataques al traviés de software maliciosu (Ransomware), implementáu pol Consistoriu uvieín foi reconocíu, dientro de los 70 proyectos escoyíos, col primer premiu na categoría de Ciberseguridad.

El conceyal d’Economía y Tresformamientu Dixital del Conceyu d’Uviéu, Javier Cuesta foi l’encargáu de recoyer el galardón. El conceyal asegura que “ye una reconocencia al trabayu, que se vien llevando mientres los últimos años, en relación cola protección de los sistemes y servicios públicos municipales, ante les crecientes amenaces a les que, en materia de ciberseguridad, enfrentamos les alministraciones públiques”

El conceyal Javier Cuesta quixo compartir el galardón cola empresa ASAC Comunicaciones, provisora municipal d’infraestructura cloud dende va años y con SOPHOS, provisor de la tecnoloxía implementada, “pol so fundamental aportación al proyectu municipal”.

ASLAN ta formada por 166 de les principales empreses tecnolóxiques con see n’España, con una facturación penrriba los 20.000 millones d’euros añales.

Tamién te podria gustar