El Conceyu d’Uviéu aprueba dolce places Erasmus pa FP

by redacción asturnews | noviembre 19, 2018 5:19 pm

La Xunta de Gobiernu del Conceyu d’Uviéu aprobó la selmana pasada la convocatoria pública pa la selección de dolce estudiantes de Formación Profesional por que participen nel Programa Erasmus+ “Euroempléate V”. Los escoyíos van cuntar con beques que van sirvir para financiar la so estancia académica nel estranxeru.

“Siguimos ufiertando oportunidaes a los estudiantes uvieinos y velando por que llogren la meyor formación posible”, destacó Rubén Rosón, conceyala d’Economía y Emplegu na presentación del proyectu. El conceyal recordó tamién que “desque aportemos al gobiernu multipliquemos el financiamientu d’esti tipu de proyectos y el sofitu a les instituciones educatives del conceyu”.

Na convocatoria van participar alumnos de los centros IES Pando, IES Doctor Fleming, IES Leopoldo Alas “Clarín y Colexo Fundación Masaveu. Los destinos van ser Portugal, Irlanda ya Italia  y van cuntar con cuatro places cada unu.

La cuantía de l’ayuda económica a xestionar poles persones participantes xube a 3.850 euros para Irlanda, 3.410 para Italia y 3.000 para Portugal.  Esta cuantía, amás, va vese amontada en 400 €/mes (la estancia son trés meses, 91 nueches), cuando sía la persona participante quien xestione la busca del agospiamientu y el pagu del so arriendu.

Source URL: http://asturnews.com/el-conceyu-duvieu-aprueba-dolce-places-erasmus-pa-fp/