Portada Conceyos El Conceyu de Xixón renueva’l conveniu cola Academia de la Llingua Asturiana

El Conceyu de Xixón renueva’l conveniu cola Academia de la Llingua Asturiana

by asturnet

La Xunta de Gobiernu del Conceyu de Xixón aprobó siguir col conveniu que mantién cola Academia de la Llingua Asturiana dende va años. Un alcuerdu asemeyáu al que caltién esta institución con conceyos como Llangréu o Carreño, pero que nel casu de Xixón precisa de la renovación añal per parte del equipu de gobiernu.

Aprobada nel tiempu de l’alcadesa Paz Fernández Felgueroso, el conveniu sobrevive al nuevu gobiernu del conceyu, de Foru Asturies.

El conveniu afita a l’Academia como la “máxima institución asturiana nos temes venceyaos a la llingua asturiana” asina como’l trabayu que se vien desenvolviendo dende l’Ayuntamientu de Xixón na normalización llingüística. Alcordando la necesaria collaboración énte les instituciones pa la promoción, difusión y dignificación social del usu del asturianu nel conceyu de mayor población del país.

Tamién te podria gustar