Portada Patrimoniu El Conceyu de Lleón celebra oficialmente’l Día de la Llingua Llionesa

El Conceyu de Lleón celebra oficialmente’l Día de la Llingua Llionesa

by asturnet

Unes doscientes persones participaron ayeri domoingu en Lleón de les actividaes del “II Día de la Llingua Llionesa”, qu’entamare l’añu pasáu dende organizaciones privaes y qu’agora asume l’Ayuntamientu de la ciudá. L’oxetivu ye dar a conocer a los lleoneses l’idioma que tovía falen unos 55.000 d’ellos, l’asturlleonés.

El conceyal de Cultura Lleonesa del Ayuntamientu de Lleón, Abel Pardo (UPL), recordó la importante que ye “poder dar a conocer a la xente la llengua lleonesa, que nun ye namás un bien común, sinón tamién una llingua viva, utilizada anguaño por neños, mozos y adultos en distintos requexos de tol País Lleonés”.

Esta ye la primer edición, recordó’l conceyal lleonesista, dende que l’Estatutu d’Autonomía reconoz al lleonés “como una parte fundamental del patrimoniu d’esta comunidá”. Amás comentó que ye posibl que nel cursu 2008-2009 entame a dase lleonés nos colexos, asignatura que va entamar a dase primero en centros pilotu.

Na xornada collaboraron hasta trenta asociaciones y proyectóse’l documental “Asina falamos”, un testimoniu etnográficu de los falantes lleoneses que queden fechu por Armonía Films.

Tamién te podria gustar