El Conceyu d’Avilés va escoyer a la PYME más innovadora d’Avilés

El Conceyu d’Avilés va escoyer a la PYME más innovadora d’Avilés
21 marzu 14:20 2018 Imprimir

El Conceyu d’Avilés abre’l procesu para escoyer a la PYME más innovadora. La empresa escoyida va representar a Avilés nel III Alcuentru d’Alcaldes y Entamadores de la Rede INNPULSO, que va tener llugar en Málaga’l miércoles 25 d’abril.

Avilés forma parte de la Rede INNPULSO, compuesta poles 68 “Ciudaes de la Ciencia y la Innovación”. Una distinción que reconoz a les ciudaes líderes que sofitaron inversiones n’infraestructures que favorezan la sostenibilidá económica y ameyoren el nuesu patrón de crecedera basada na conocencia y l’innovación.

La empresa que llogre esti distintivu tien que tener un altu componente d’innovación acreditáu (sirve cualquier ciclu del negociu), un ambiciosu plan de crecedera y cumplir los requisitos formales como empresa, amás de tar allugada n’Avilés, onde tendrá d’allugase la so casa social  o’l so centru de trabayu principal.

Les candidatures van poder unviase hasta’l 9 d’abril al corréu empresaATsayto-aviles.es. Para participar nel procesu les empreses van deber de presentar una memoria executiva, con un máximu de cuatro páxines, que contenga, siquier, los siguientes datos:

Datos d’identificación de la empresa.
Descripción de l’actividá de la empresa, incidiendo nel so aspeutu innovador.
Principales finxos na vida de la mesma.
Política de comercialización y fidelización de veceros.
Grau de internacionalización de la empresa.
Pertenencia a redes empresariales.
Facturación de la empresa nos dos últimos años.
Númberu de puestos de trabayu xeneraos.

Un comité técnicu, compuestu por un representante de l’Área de Promoción Económica del Conceyu d’Avilés, un representante de la Sociedá de Desenvolvimientu La Curtidora y un representante del Serviciu d’Acompañamientu Tecnolóxicu d’Avilés, va resolver cuál ye la empresa escoyida, decisión que va ser comunicada a la ganadora antes del día 12 d’abril.

A la de escoyer la empresa van tener en cuenta los siguientes criterios, propuestos pola rede INNPULSO:

Grau d’innovación, diferenciación y orixinalidá de productos y servicios ufiertaos.
Viabilidá técnica, comercial, económica y financiera.
Calidá, capacidá y compromisu del equipu técnicu y promotor.
Proyección de la empresa: conocencia del mercáu y de la competencia.
Grau de internacionalización, trayectoria, y potencial de crecedera.
Impacto sobre la redolada y efectu dinamizador sobre l’actividá económica local.
van valorase especialmente proyectos de Ciudá Intelixente”, qu’impliquen beneficios derivaos pa les ciudaes y los sos habitantes y que sían susceptibles de ser adquiríos y utilizaos poles Alministraciones Locales.
Van valorase especialmente aquellos proyectos que nacieren, o se tean desenvolviendo, con perspectiva internacional o global.

  Categories: