El Conceyu d’Avilés va consolidar una Alministración moderna pa meyorar l’atención ciudadana

El Conceyu d’Avilés va consolidar una Alministración moderna pa meyorar l’atención ciudadana
31 avientu 09:10 2019 Imprimir

El Conceyu d’Avilés va consolidar una Alministración moderna pa meyorar l’atención ciudadana con actuaciones de modernización en materia de Nueves Tecnoloxíes. En 2020 van impulsase acciones para la digitalización accesible y eficiente de les ferramientes de xestión interna y de relación cola ciudadanía y empreses, por importe de 560.000 euros.

El Gobiernu municipal  va siguir modernizando l’alministración municipal  coles mires d’ameyorar l’atención y el serviciu a la ciudadanía. L’añu que vien van destinar a esta xera 559.692 euros procedentes de fondos municipales y de financiamientu européu con cargu a los Fondos FEDER.

Asina, el proyectu de Presupuestos municipales de 2020 -anguaño en fase de negociación colos grupos municipales- recueye una partida de 117.477 euros (un 27% más qu’en 2019) destinada a:

  • Entainar, simplificar y ameyorar la xestión de la Oficina d’Atención Ciudadana en tolos procedimientos y trámites.
  • Ameyorar la programación de los calendarios de les actividaes municipales que rican una mayor atención ciudadana, para emprestar meyor serviciu.
  • Enllantar el sistema Clve para la identificación de los usuarios nes sos relaciones electróniques col Conceyu d’Avilés. Ye’l qu’estableció l’Alministración del Estáu para unificar tolos sistemes d’identificación y autenticación electrónica esistentes ente les diverses alministraciones públiques, facilitando a los ciudadanos un accesu únicu, más fácil y senciellu a los servicios públicos per vía electrónica non yá yá con esta alministración sinón con toes.

Amás, en 2020 van impulsase tamién les principales acciones financiaes con Fondos FEDER que formen parte d’estes llínees d’actuación, por importe de 442.215 euros, ente les que s’inclúin:

  • Tarxeta ciudadana
  • Portales de tresparencia, participación, Open Data y portal municipal
  • Estensión de rede WIFI n’equipamientos municipales
  • Conexón per fibra de toles sedes municipales
  • GIS, base pa impulsar Avilés como Smart City

Más información

  Categories: