El Conceyu d’Avilés ufierta cursos de formación en tecnoloxía pa families

El Conceyu d’Avilés ufierta cursos de formación en tecnoloxía pa families
09 ochobre 09:39 2020 Imprimir

El Serviciu d’Educación del Conceyu d’Avilés ufierta 5 cursos gratuitos de formación en tecnoloxía para families d’alumnáu, que van impartise de manera telemática. Los cursos van ser sobro manexu de Microsoft Teams, corréu electrónicu con Microsoft Outlook, conversión de documentos Word a PDF, ofimática na nube con Google Drive, y seguridá nes TIC pa menores y families.

Esti llunes 5 ábriose’l plazu d’inscripción, rellenando’l formulariu unviáu a les AMPAs de cada centru educativu, y unviándolo dempués a la dirección abvazquezaviles.es. Como miembru activu de la Rede Ciudaes Educadores, Avilés impulsa un modelu d’educación global, integradora y cooperativa utilizando les ferramientes y proyectos impulsaos dende l’alministración local.

El Serviciu d’Educación del Conceyu d’Avilés ufierta cinco cursos gratuitos empobinaos a les families del alumnáu matriculáu en centros de la ciudá. Van impartise de manera telemática y traten sobro’l manexu de distintes ferramientes informátiques que’l so usu ver amontáu dende’l confinamientu, por cuenta de la estensión de la educación non presencial.

Asina, los cinco cursos o “píldores formatives” ufiertaes tomen l’aprendizaxe nel usu d’aplicaciones informátiques como Microsoft Teams, Microsoft Outlook o Google Drive, xuntu cola conversión de documentos en formato Microsoft Word a PDF, o la xestión de la privacidá ya identidá dixital de los y les menores.

Tratase d’una iniciativa que partió dende les Asociaciones de Madres y Padres (AMPAs) y dende los centros educativos d’Avilés, que treslladaron al Serviciu d’Educación la conveniencia de formar a les families en conteníos básicos pa disponer d’una formación tecnolóxica básica, daqué fundamental nel actual escenariu educativu marcáu pol COVID-19.

Esti llunes 5 d’ochobre quedó abiertu’l plazu d’inscripciones en cada unu de los cinco cursos. Pa realizar esti trámite, les persones comenenciudes tendrán de contactar col AMPA de los sos respectivos centros educativos. va facilitáse-yos un formulariu que tendrán de rellenar y unviar robláu a la dirección de corréu electrónicu abvazquezaviles.es.

Ver llistáu de cursos