El Conceyu d’Avilés tresllada suspender les fiestes

El Conceyu d’Avilés vieno acabante contactar con asociaciones y empresarios implicaos nestes fiestes para preveni-yos sobro la cancelación del programa festivu a la vista de la situación actual del COVID-19.

El Conceyu d’Avilés treslladó esti llunes a asociaciones de vecinos, entidaes y empreses que davezu participen nel desenvolvimientu del programa de les fiestes d’El Bollu que, a la vista de la situación actual derivada de la evolución del COVID-19, tou indica que nun se van a poder llevar a cabu. Esta decisión afecta, por casu, a los desfiles de xarrés del domingu 12 y llunes 13, según a la Comida na Cai del mesmu llunes 13.

Tratase d’una midida que tamién afecta a otros eventos multitudinarios programaos nel mes d’abril n’Avilés, como’l Campeonatu d’España de Duatlón o les procesiones de Selmana Santa. Nel primer casu, la Federación Española yá anunció ayeri que se va celebrar los díes 10 y 11 d’ochobre. Nel casu de la Selmana Santa, les Confrería pronunciarán sobre la decisión qu’adopten.