El Conceyu Avilés y Aqualia entreguen los premios del XV Concursu de Dibuxu Infantil

El Conceyu Avilés y Aqualia entreguen los premios del XV Concursu de Dibuxu Infantil
06 marzu 11:02 2018 Imprimir

El Conceyu Avilés y Aqualia entregaron esti llunes los premios del XV Concursu Internacional de Dibuxu Infantil escoyíos d’ente 8.500 escolares participantes de distintos conceyos d’España y Portugal.

La conceyala de Servicios Básicos ya Infraestructures del Conceyu d’Avilés, Ana Rivas, acompañada d’Alfonso Tomás, xerente de Aqualia y Ricardo Álvarez, xefe de departamentu de Aqualia, fixeron entra na mañana del llunes, nel salón de plenos municipal, d’una tablet a la ganadora del premiu individual, Lucía del Casar, del Colexu Duce Nome de Jesús, y de nueve cámares acuátiques a los neños y neñes finalistes.

Los trabayos fueron escoyíos d’ente 8.500 escolares participantes de distintos conceyos d’España y Portugal nos que Aqualia empresta serviciu. Tolos finalistes recibieron nel salón de plenos del Conceyu, como premiu, una cámara de semeyes acuática cada unu, que-y apurrió personalmente la concejala d’Infraestructures y Servicios Básicos, Ana Rivas. La conceyala felicitó a los escolares y destacó esta iniciativa, pola so capacidá de concenciar ente los más nuevos vezos responsables con respectu a l’agua”. Nesta llínea, Alfonso Tomás señaló “si tenemos en cuenta que nesta edición participaron 8.500 neños y neñes d’España y Portugal, daremos cuenta de qu’esti certame apurre enforma cada añu a la educación de les xeneraciones futures sobro la xestión d’esti recursu”.

Amás, dambos tuvieron palabres d’especial agradecimientu a el profesores que nos sos centros escolares han promovido la participación de los alumnos, dedicando tiempu de les clases a esplica-yos el ciclu urbanu de l’agua.
El certame convócase añalmente, coincidiendo col  Día Mundial de l’Agua, y qu’anguaño s’articuló en redol al microsite www.misiondepuracion.es. La plataforma rexistró más de 25.000 visites, que se traducieron en más de 8.500 orixinales. Un añu más participaron los neños y neñes de 3º y 4º de Primaria de los conceyos nos que Aqualia empresta serviciu n’España y Portugal, Col lema d’anguaño, “Misión Depuración”, convidar a los neños a formar parte d’un viaxe sideral al traviés del maraviyosu mundu de la depuración y reutilización de l’agua.

Tres l’actu d’entrega de los premios, amosaron a los neños, neñes y profesores, unu de los nuevos vehículos del Serviciu Municipal d’Agües, que ye totalmente eléctricu, esto ye, funciona ensin gasóil o gasolina, evitando asina l’usu de combustibles fósiles, polo que nun emiten CO2 a l’atmósfera.

  Categories: