El Conceyu aplaza’l Concursu de Rock Ciudá d’Uviéu

El Conceyu aplaza’l Concursu de Rock Ciudá d’Uviéu
10 16:45 2020 Imprimir

La Conceyalía de Festexos del Conceyu d’Uviéu anunció esta mañana l’aplazamientu del XXIII Concursu de Rock Ciudá d’Uviéu Alejandro Blancu “Escayu” que primeramente taba previstu pa los díes 13, 14, 15, 10, 21 y 22 de payares na Fábrica de La Vega.

La decisión foi tomada por cuenta de les restricciones impuestes pol Gobiernu d’Asturies pa tratar de frenar la espansión del COVID-19. El concursu cuntaba a día de güei cola inscripción de 29 grupos. La conceyala de Festexos, Cuadonga Díaz, amosóse “atristayada” esta mañana por tener que tonar esta decisión y volvió incidir en que la cultura ye segura”. La conceyala recordó que mientres  les pasaes fiesta de San Mateo más de 17.000 persones pasaron polos conciertos del Auditoriu y nun se produció “nin una sola andada”.

La Conceyala recordó que pal concursu de Rock previérense “les mesmes midíes de seguridá y prevención que fueren calificaes d’exemplares pola Conseyería de Salú del Gobiernu del Principáu”. Díaz anunció que’l Concursu de Rock va retomase en cuanto les circunstancies asina la dexen, “esperamos que llueu podamos tar en La Vega, esfrutando del concursu de manera segura” concluyó.

  Categories: