El Conceyal d’Economía d’Uviéu aconceyase n’Olloniego 2 pa tratar el plan de dotación de banda ancha

Na mañana’l llunes, el conceyal d’Economía, Javier Cuesta, caltuvo un alcuentru na see la Cámara de Comerciu d’Uviéu en Olloniego con representantes de la Dirección Xeneral d’Industria, col Director Xeneral d’innovación, Iván Aitor Lucas del Amu, cola directora del IDEPA, Eva Pando y con representantes de l’Asociación d’Empresarios de Olloniego 2 para tratar sobro’l proyectu pa desenvolver ya instalar la rede de banda ancha nel polígonu industrial.

El conceyal valoró bien positivamente la xunta y destacó el compromisu del equipu de Gobiernu del Conceyu d’Uviéu pa siguir avanzando en dotar de ferramientes y soluciones al texíu empresarial uvieín por que sía más competitivu y que pueda asina siguir xenerando empléu y riqueza nel conceyu.

Cuesta aprofió’l compromisu de sofitu decido del  gobiernu local pa revitalizar el polígonu de Olloniego como espaciu industrial, ameyorando los servicios a les empreses instalaes y potenciando la instalación de nueves empreses.