Portada Sociedá El conceyal de Congresos desmiente informaciones sobro’l cambéu de see de la CometCon”

El conceyal de Congresos desmiente informaciones sobro’l cambéu de see de la CometCon”

by redacción asturnews

El conceyal de Turismu y Congresos, Alfredo García Quintana, ufiertó esta mañana una rueda de prensa pa “esclariar dellos aspeutos y desmentir delles informaciones rellacionaes col cambéu de see de la 8ª edición del eventu CometCon, ‘Convención Xuvenil de Cultura y Ociu Alternativu d’Asturies’”.

“En primer llugar quiero manifestar l’interés del equipu de gobiernu en qu’esti eventu siguiera celebrándose n’Uviéu. Amuesa d’ello y como bien reconoz el Director na so nota de prensa, axuntemos en trés causes: el 16.07.19, 30.10.19 y el 15.11.19. Dende la primer xunta manifestóse-y que nun se podría caltener la subvención directa nin l’importe de 120.000 €. (Informe de la Sindicatura de Cuentes). Pero tábamos dispuestos a buscar otres fórmules de collaboración que fixeren posible la celebración del eventu. Na última xunta alcordamos qu’allegaría a la convocatoria de subvenciones a entidaes organizadores de congresos y que’l conceyu asumiría’l sofitu técnicu de serviciu de coordinación y execución según llimpieza y seguridá. Y que nos pasaría la solicitú de feches pal so bloquéu.  Hasta ayeri, que m’entero por una nota de prensa del treslláu”.

El responsable municipal de Congresos manifestó la so “sorpresa y decepción, non pol cambéu de see, que ye daqué qu’entra dientro lo posible nun mercáu que yá dixi en delles ocasiones ye bien competitivu. Toi sosprendíu poles formes, que pa mi tamién son importantes. Entiendo que lo mínimo sería realizar una llamada o unviar un mensaxe o un corréu antes de comunicalo a los medios”.

Y esplicó “la evolución d’esti eventu, que llega al so 8ª edición y, por tanto, nun ye nengún proyectu dexáu n’heriedu pol tripartitu sinón que ye un proyectu que nació con gobiernu del PP”. Esto fai entámás llaceriosa la decisión del Conceyu de dexar de sofitar la convocatoria.

 

Tamién te podria gustar