ConceyosSociedá El comerciu del Uviéu Antiguu revitalízase gracies a la campaña #CéntrateEnElAntiguo by redacción asturnews 5 de payares, 2019 written by redacción asturnews 5 de payares, 2019 77 Un total de 35 comercios d’Uviéu recibieron asesoramientu tecnolóxicu y anováu nos sos escaparates gracies a la campaña #CéntrateEnElAntiguo desenvuelta per Uviéu Entama en collaboración con ACOA y la Federación Asturiana de Comerciu. Esti xueves pasáu diose por rematada la campaña CéntrateEnElAntiguo que desenvolvió Uviéu Entama en collaboración con ACOA y la Federación Asturiana de Comerciu coles mires de dinamizar les compres nel Uviéu Antiguu. El conceyal d’Economía, Javier Cuesta, sorrayó la importancia d’esta iniciativa que combina “el nuesu apueste por recuperar el comerciu uvieín” col fomentu del emprendimiento” y ye que fueron el entamadores de la Turria de la Ería los que desenvolvieron “planes integrales de meyora” para 35 establecimientos del Uviéu Antiguu, nos que s’incluyó “meyores nel puntu de vienta; nuevos diseños d’escaparate y del interior de la tienda según asesoramientu de márketing dixital y nueves tecnoloxíes”. Amás, nos postreros 15 díes desenvolvióse una campaña de dinamización na cai, basada nun photocall de Rexentar que percorrió los establecimientos participantes nesta iniciativa y un concursu de fotografía en Facebook, colos que s’escorría “atraer a más consumidores”. Según esplicó Silvia Oliveira Alonso, dinamizadora del Espaciu Coworking Turria de la Ería, “la xente tenía que xubir a Facebook una fotografía cola imaxe de Rexentar” y el hastag CéntrateEnElAntiguo, ganando la instantánea con más Me gusta” en Facebook. La ganadora foi Ana Barredo Toyos que yá tien na so poder, gracies a la Federación Asturiana de Comerciu, un cheque de 150 euros que va poder gastar nos comercios del Uviéu Antiguu. 0 FacebookTwitterPinterestEmail Anterior El PEC va acoyer esti 6 de payares una nueva edición del Investment&Markets siguiente Javier Antuña presenta un llibru cola hestoria gráfica del jazz n’Asturies Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU