Portada Plástiques El CMAE rinde homenaxe al pintor Orlando Pelayo

El CMAE rinde homenaxe al pintor Orlando Pelayo

by redacción asturnews

L’actividá torna al Centru Municipal d’Arte y Esposiciones, CMAE, gracies al llevantamientu de les restricciones sanitaries frente a la pandemia. Facer con una amuesa de “Homenaxe a Orlando Pelayo”, con obres del fináu pintor y d’otros 24 artistes asturianos, entamada pola conceyalía de Cultura d’Avilés y la Fundación Lombardía.

Inaugurada na mañana del llunes pasáu pola concejala de Cultura, Yolanda Alonso, acompañada pola comisaria de la esposición, Margarita Alonso, de la mesma directora de la Fundación Lombardía, y el mesmu pintor Miguel Ángel Lombardía, la expo va permanecer n’exhibición hasta’l 18 d’abril, nel espaciu espositivu de la cai Llanu Ponte, 49.

Tratase d’una oportunidá única para esfrutar d’una retrospectiva de les creaciones de pintores y pintores asturianes nacíos  nes décades de 1930 y 1960, prevista primeramente para avientu de 2020, dempués d’empezar el so itinerancia en Grau n’ochobre del pasáu añu. Y al pie de cuatro obres del homenaxáu, Orlando Pelayo.

Coincide que’l pasáu 15 de marzu cumpliéronse 31 años del fallecimientu del pintor nacíu en Xixón en 1920, obligáu a exiliase al rematar la guerra civil. Nun primer momentu a Orán, ciudá arxelina na que conoció a intelectuales como Albert Camus y Jean Grenier, colos que caltendría’l contactu tres el so asentamientu en París.

El autores participantes, amás d’Orlando Pelayo, son:

– Elías García Benavides (León, 1937)

– Armando Pedrosa (Oviedo, 1941)

– Consuelo Vallina (Oviedo, 1942)

– Ramón Rodríguez (Avilés, 1943)

– Carlos Sierra (Lieres, Siero, 1943)

– Manuel García Linares (Navelgas, Tineo, 1943)

– Herminio (La Caridad, 1945)

– Miguel Ángel Lombardía (Sama de Langreo, 1946)

– Juan Monte (Oviedo, 1946)

– Humberto (Malleza, Salas, 1949)

– Kiker (Cabañaquinta, Aller, 1949)

– José Paredes (San Claudio, Oviedo, 1949)

– Ramón Prendes (Gijón, 1950)

– Vicente Fernández Iglesias (Sama de Langreo, 1951)

– Hugo O’Donnell (Madrid, 1953)

– Francisco Fresno (Villaviciosa, 1954)

– Francisco Velasco (Pelúgano, Aller, 1955)

– Miguel Galano (Tapia de Casariego, 1956)

– Vicente Pastor (Luarca,1956)

– Pelayo Ortega (Mieres, 1956)

– Ricardo Mojardín (Rebollal, Boal,1956)

– Avelino Mallo (Sama de Langreo, 1956)

– Antonio Gil Morán (León, 1959)

– María Jesús Rodríguez (Oviedo, 1959)

L’horariu de visita de la sala d’esposiciones del Centru Municipal d’Arte y Esposiciones, CMAE, ye de martes a domingu, de 18.00 a 21.00 hores.

Tamién te podria gustar