ConceyosLliteratura El Club de Llectura feminista d’Avilés celebra esti llunes los sos 10 años by redacción asturnews 20 de setiembre, 2021 written by redacción asturnews 20 de setiembre, 2021 2,4K El Club de Llectura Feminista “Una Habitación Propia”, de la Conceyalía d’Igualdá del Conceyu d’Avilés cumple anguaño’l so décimu aniversariu y pa celebralo entama una xornada lliteraria esti llunes na Casa de Cultura a les 17:30 hores coles escritores Marta Sanz y Nuria Barrios. Nesta sesión les profesores de la Universidá d’Uviéu, Socorro Suárez Lafuente y Alejandra Moreno Álvarez van presentar a les escritores Marta Sanz y Nuria Barrios, respectivamente. Nestes charres va falar sobro lliteratura escrita por muyeres, feminismu, llectures compartíes y tresformamientu de la sociedá. Darréu, va abrise un coloquiu con toles participantes. Pa poder asistir ye necesaria la inscripción hasta esti mesmu llunes 20 a les 14.00 hores, al traviés del teléfonu 985527546 o del corréu electrónicu igualdadaviles.es. En confirmándose la plaza p’asistir a les sesiones, ye imprescindible que toles persones comenenciudes indiquen los sos datos personales (nome y apellíos, DNI y teléfonu), por aciu una ficha d’autorización de la Llei de Protección de Datos que se va apurrir antes d’entrar a la xornada. En cumplimientu de les midíes de salú y seguridá pol COVID’19 faise necesariu establecer un protocolu pal perfectu desenvolvimientu de l’actividá. Va Ser obligatoriu l’usu de mázcaru y va caltenese siempres la distancia de seguridá interpersonal de, siquier, 1.5 metros. Encamiéntase tar a les 17.00 hores con antelación abonda al entamu de la xornada. L’oxetivu principal del Club de Llectura ye reivindicar la bona lliteratura escrita por muyeres y analizar les obres de forma colectiva, utilizando la perspectiva de xéneru. Amás de los distintos ciclos con una sesión mensual, fueron munches les actividaes estraordinaries que realizó “Una Habitación Propia” nestos diez años d’andadura con un altu grau d’aceptación per parte de les muyeres d’Avilés. Más información 0 FacebookTwitterPinterestEmail Anterior La Nueche Blanca 2021 Xixón abre les inscripciones siguiente -El tiempu del trabayu- espón los oficios de los habitantes de la Ciudadela de Celestino Solar Tamién te podria gustar Iniciativa pol Asturianu y Barbón desixen a Adif... Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La llangreana Beatriz Quintana gana’l premiu de narrativa... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...