ConceyosSociedá El Club de la Ciencia torna al Filarmónica by redacción asturnews 28 de febreru, 2020 written by redacción asturnews 28 de febreru, 2020 46 El teatru Filarmónica va acoyer esti vienres a partir de les 2 hores, la sesta edición d’esti espectáculu col qu’el CSIC pretende averar, de forma amena, la ciencia a la sociedá. Pela mañana y como novedá anguaño, va ufiertase “El Mini Club de la Ciencia dirixíu a estudiantes de 3º y 4º de la ESO. Casi 600 alumnos de 7 centros educativos de la rexón confirmaron la so asistencia. La Filarmónica va acoyer esti vienres, 28 de febreru, la sesta edición del Club de la Ciencia nel que seis investigadores van averar de forma risondera, al traviés de monólogos de 10 minutos, diverses temes científiques. La cita, presentada esta selmana pola concejala d’Educación, Yolanda Vidal y la delegada institucional del Conseyu Cimeru d’Investigaciones Científiques (CSIC) n’Asturies, Ánxeles Gómez Borregu, tien como oxetivu averar la ciencia a la sociedá de forma lúdica. L’espectáculu, entamáu pol Conceyu d’Uviéu, el Ministeriu de Ciencia ya Innovación, el CSIC, la Universidá Popular Uvieina y l’Asociación de Divulgación Científica d’Asturies, va empezar a les 20:00 hores y va incluyir los siguientes monólogos: “Chernobyl ¿paraiso natural?” de Germán Orizaola; “Sopa homeopática, la que sí comería Mafalda ensin protestar” de Nuria Y. Campillo; “Aterriza como puedas” de Sonia Álvarez; “Les plantes molan” de Borja Jiménez; “Superbacterias, la nacencia del Joker” d’Itziar Alkorta y “¿Agora de qué falo?” de Teresa Valdés-Solís. La entrada ye llibre hasta completar aforu. Como novedá anguaño entamóse pela mañana, una sesión específica pa públicu xuvenil, tituláu “El Mini Club de la Ciencia” al que van allegar casi 600 alumnos de 3º y 4º de la ESO. Estos estudiantes, llegaos de 7 centros educativos de distintos conceyos asturianos, van escuchar los siguientes monólogos: “Ser daltónicu para ver más: ¿A quién va usté a creer, a mi o a los sos propios güeyos” de J. Ángel Ménendez; “Intelixencies nin humanes nin artificiales” de Paola Laiolo; “Animales marinos” de Javier Cristobo y “Volando voi y casi nun vengo porque pel camín yo entretengo de Sergio L. Palacios. 0 FacebookTwitterPinterestEmail Anterior Raquel Meyers estrena’l so vídeu animación “Vladijenk II” en La Ventana de la Factoría siguiente El Palaciu Valdecarzana acueye la esposición “Moraes del suañu” de José María Rielo Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU