El Clinic Nuevu Emprend pésllase esti vienres en Xixón

El Clinic Nuevu Emprend pésllase esti vienres en Xixón
13 setiembre 08:50 2019 Imprimir

Una nueva edición d’esti programa de emprendimiento pa mozos de la nuesa rexón celebrarase en 2019 nes localizaciones de Xixón, Aviles y Somiedu y va pesllase’l vienres día 13 de setiembre nes instalaciones del Parque Científicu Tecnolóxicu de Xixón.

El Clinic NUEVU EMPREND ye una actuación promovida dende va una década pola Asociación Asturies EMPREND@ y sofitada pol Gobiernu del Principáu d’Asturies nel marcu del Programa de Fomentu de la Cultura Entamadora, dirixida a persones nueves residentes nel Principáu d’Asturies que cunten con una idea de negociu y/o cola molición por entamar un potencial proyectu social y/o cola actitú proactiva de querer faer que pasen coses nel mundu empresarial y profesional asturianu.

El calter innovador del programa que-y fixo merecedor d’un premiu a la innovación formativa vien dáu pol amiestu d’ingredientes na so receta del ésitu que combina técniques de gaming, de visual thinking, de benchmarking, de llean thinking, de learning by doing, de outdoor training, afeches al perfil de participantes de cada edición (que ye única, distinta a l’anterior y a la socesiva):

– Comíes-alcuentros con persones entamadores
– Sesiones de brainstorming
– Meses redondes
– Sesiones técniques
– Retos y/o dinámiques proactivas por equipos
– Autodiagnósticos y autoevaluaciones competenciales
– Analises ya informes personalizaos por psicólogu, por llogopeda y por periodista –
Coaching individual
– Business games
– Presentaciones elevator picth, pecha kucha y storytelling
– PMP o Plan de Meyora Personal
– Tutoría inicial de proyectu o plan de negocio
– Recomendación de plan formativu posterior

Xixón Impulsa, como Patronu del mesmu, collabora nel espardimientu y captación de candidatures pal programa al traviés de les sos redes y contactos, con cuenta de poder informar al mayor númberu posible de mozos (18 a 30 años) entamadores sociales, empresariales y/o intra-entamadores.

Mientres la so última selmana, el Clinic va desenvolvese en Xixón. D’esta miente, van producise alcuentros ya intercambiu d’esperiencies ente los as participantes y dalgunes de les nueses empreses residentes, tanto en Cristasa como nel actu de clausura que se va realizar dende l’Edificiu Impulsa del Parque Científicu Tecnolóxicu. Tamién se van esplicar los sofitos que como futures persones entamadores podemos apurri-yos, van impartise talleres sobro metodoloxía de negociu, amás de realizar otres acciones na Escuela d’Hostelería, el Xardín Botánicu y la Cámara de Comerciu de Xixón.

La clausura va tener llugar el vienres día 13 de setiembre nes instalaciones del Parque Científicu Tecnolóxicu de Xixón, per parte de representantes institucionales.

  Categories:
Loading Facebook Comments ...