Portada Conceyos El Cirque du Soleil declarase en quiebra y presenta un plan de reestructuración

El Cirque du Soleil declarase en quiebra y presenta un plan de reestructuración

by redacción asturnews

El Cirque du Soleil vieno acabante declarase en quiebra y presentar un plan de reestructuración pa intentar sobrevivir a la crisis. La compañía, qu’atropa una delda de 900 millones de dólares, va despidir a casi 4.000 trabayadores.

El Cirque du Soleil, una de les empreses d’espectáculos más conocíes del mundu, declaróse esti llunes en quiebra y, coles mesmes, los principales inversores de la compañía, col sofitu de la provincia de Quebec, presentaron un plan de reestructuración.

Cirque du Soleil, una de les instituciones más internacionales de Canadá y la provincia de Quebec, señaló nun comunicáu que solicitó al Tribunal Cimeru provincial la so aprobación pa reestructurar la compañía, que yá s’atopaba en dificultaes financieres antes de l’apaición de la pandemia de Covid-19. Según la compañía, los trés inversores del circu, la estadounidense TPG Capital, la china Fosun Capital Group y l’institución financiera Caisse de dépôt et placement du Québec, van apurrir 100 millones de dólares  ente que’l Gobiernu de Quebec va inyectar otros 200 millones.

El fondu d’inversiones TPG tien un 55% de propiedá de la compañía, ente que Fosun controla’l 25% y l’entidá financiera Caisse de Depot et Placement du Quebec, el 20% restante. La compañía, que tien la so see na ciudá de Montreal, va despidir tamién a unes 3.840 persones, y va establecer dos fondos, por valor de 20 millones de dólares pa compensar al so personal y a los contratistes.

El presidente y conseyeru delegáu de Cirque du Soleil, Daniel Lamarre, declaró que “mientres los pasaos 36 años, Cirque du Soleil foi una organización bien esitosa y rentable”. Sicasí, “ensin ingresos dende’l zarru forzáu” de tolos sos espectáculos por cuenta de la Covid-19, la dirección “actuó de forma decisiva pa protexer el futuru de la compañía”.

Cirque du Soleil ya despidiera en marzu a unes 4.680 persones, un 95% del so personal, por cuenta de la cancelación de los sos espectáculos y enfréntase a la suspensión de pagos.

La compañía tien una delda d’unos 900 millones de dólares, frutu del alcuerdu de 2015 valoráu en 1.500 millones de dólares pol que’l fondu d’inversiones estadounidense TPG facer con una participación mayoritaria de la compañía. El fundador de Cirque du Soleil, Guy Laliberté, vendió en 2015 la so participación na compañía por unos 1.500 millones de dólares.

El procesu de quiebra establez que mientres los próximos 45 díes otres entidaes pueden presentar ufiertes por Cirque du Soleil y va ser el Tribunal Cimeru de Quebec quien decida qu’ufierta ye la ganadora.

Tamién te podria gustar