El Círculu Xixón Baloncestu xuega esti domingu “dafechu n’asturianu”

El Círculu Xixón Baloncestu xuega esti domingu “dafechu n’asturianu”
19 xineru 10:52 2018 Imprimir

Iniciativa pol Asturianu celebra esti domingu a les 12 nel Pabellón de L’Arena un partíu íntegramente n’asturianu en collaboración col Círculu Xixón Baloncestu y Conocimientu.

Iniciativa pol Asturianu va celebrar esti domingu a les 12, nel pabellón de L’Arena de Xixón un partíu de baloncestu nel que l’asturianu va ser la llingua vehicular de toles actividaes. Yá se ta distribuyendo per Xixón un folletu informativu nel que se da anuncia del partíu y de les consiguientes actividaes que van realizase.

El Círculu Xixón Baloncestu ye un equipu que se configuró esti añu nel barriu L’Arena de Xixón y qu’aspira a llegar al máximu nivel. Nesta actividá entamada en collaboración con Iniciativa pol Asturianu, quieren amosar la presencia normalizada del idioma nun partíu de baloncesto. Pa ello, el presentador va ser el comunicador Samuel Gradín que fadrá d’animador del partíu, tanto nel so desendolcu como nel intermediu.

Nel alcuentru va haber un momentu especial pa los neños y neñes que quieran xugar nel intermediu, recibiendo un pallabreru n’asturianu gracies a la collaboración de la Oficina de Normalización Llingüística de Xixón. Convidase a entrar a toles persones yá que ye de baldre.

  Categories:
Loading Facebook Comments ...