Portada Educación El Círculu Aeronáuticu pide sofitu a Educación pal so plan de drones na escuela

El Círculu Aeronáuticu pide sofitu a Educación pal so plan de drones na escuela

by redacción asturnews

El presidente del Círculu Aeronáuticu Jesús Fernández Duru de Llangréu, José Manuel Martín Ferrer, vieno acabante treslladar a la conseyera d’Educación, Carmen Suárez, el pidimientu de sofitu pa caltener y siguir desenvolviendo’l so programa educativu ‘drones nes aules’ qu’esti cursu cumple la so quinta edición.

El responsable del colectivu esplicaba esta selmana que cada vez hai más pidimientos de participación per parte de centros de tol Principáu, «pero los nuesos recursos son escasos, y yá tuvo que quedar dalgún colexu fuera porque nun nos llega’l presupuestu». Martín Ferrer recordaba que la iniciativa de drones nes aules empezó con cuatro centros de Llangréu y qu’agora suman un total de diecisiete con más de trescientos alumnos participantes.

L’oxetivu del programa ye educar sobro les formes de diseñu, la construcción, el manexu y el desenvolvimientu d’usos prácticos d’estos vehículos aéreos que «tienen un gran futuru nel ámbitu llaboral». Pero los recursos son llindaos. La entidá apurre los 9.000 euros pal material didáctico d’esti concursu rexonal. «Cuntamos col sofitu de conceyos como’l llangreanu, el de Mieres y el d’Avilés. Tamos pindios de saber si anueva’l de Xixón y tamos en conversaciones col d’Uviéu». Educación propunxo presentar un proyectu pa l’ayuda.

Tamién te podria gustar