EL Cine Fórum d’El Llano trai un documental distintu sobro sexualidaes diverses

EL Cine Fórum d’El Llano trai un documental distintu sobro sexualidaes diverses
26 febreru 11:53 2019 Imprimir

El Salón d’actos del CMI El Llanu ufrirá esti martes 26 de febreru a les 19.45 hores la proyeición d’un un documental distintu sobro sexualidaes diverses, encamentáu pa mocedá a partir de 16 años.

Esti documental ye un complementu a la esposición Sexualidaes, onde distintos profesionales intenten favorecer la conocencia, la reflexón y l’alderique en redol a les sexualidaes: l’autoestima, l’amor, la diversidá sexual, los feminismos, la sororidad, los placeres, los xenitales, el coitocentrismo, la violencia de xéneru o la pornografía son dalgunos de les temes que s’enceten.

La educación sexual ye una meta de los Oxetivos de Desenvolvimientu Sostenible de Naciones Xuníes y ye unu de los derechos sexuales reconocíos pola Organización Mundial de la Salú. Estos derechos tienen como oxetivu que les persones puedan vivir la so sexualidá de manera placentera, saludable y llibre, p’avanzar escontra sociedaes más xustes, igualitaries y ensin discriminaciones.

CMI El Llanu. Salón d’actos. Martes 26 de febreru a les 19.45 hores
Duración de la proyección: 30 minutos.
Edá encamentada: a partir de 16 años.

  Categories: