Portada Cine El Cine Fórum del CMI de El Llanu averase al patrimoniu industrial y los paisaxes culturales

El Cine Fórum del CMI de El Llanu averase al patrimoniu industrial y los paisaxes culturales

by redacción asturnews

El llargumetraxe arxentín, Liebig, escoyíu nel Festival de Mar de la Plata y que foi estrenáu n’Europa, en 2018, mientres el INCUNA Filme Fest trai al Cine Fórum del CMI d’El Llanu un primer averamientu al patrimoniu industrial y los paisaxes culturales.

A partir de la hestoria de vida de dellos ex emplegaos de la Fábrica inglesa Liebig, n’Ente Ríos (Arxentina), y les sos respectives families, reconstrúyese la rellumanza de la industria de les carnes enlatadas, la manera de vida d’un pueblu, y el so posterior zarru na década de los ’70. Al otru llau del ríu Uruguai, la so ciudá hermana Frai Bentos (Uruguai), «la otra cocina del mundu», onde tamién s’instaló ta empresa, ye güei Patrimoniu Mundial.

Va Acompañar a esta proyección un interesante coloquiu onde van intervenir espertos en patrimoniu industrial.

CMI El Llanu. Salón d’actos. Xueves 24 de xineru a les 19.00 hora
Arxentina, 2016, 68 min.
Dirección: Christian Ercolano.

Tamién te podria gustar