Portada Cine El cine del Atenéu trai de vuelta’l Ciclu Miraes de muyer con ‘Carol’

El cine del Atenéu trai de vuelta’l Ciclu Miraes de muyer con ‘Carol’

by redacción asturnews

El CMI Atenéu La Calzada, acueye nel so Salón d’actos, esti miércoles 20 de febreru a les 19 hores, una  nueva proyección del ciclu “Miraes de muyer” cola película “Carol”.

El cine de muyeres y con muyeres marcó un enclín nestos años, ufiertando una serie de películes que, ensin ser abanderaes de nenguna corriente, supieron ufiertar un cine llibre que puede entender cualesquier que tenga ganes de ver una bona hestoria contada con un bon planteamientu cinematográficu. Consiguiendo manifestar la so forma d’entender la imaxe y la narración, teniendo de mancomún una mirada que les estrema y les singulariza.

Reinu Uníu, 2015. Dir. Todd Haynes. Repartida: Cate Blanchett, Rooney Mara, Sarah Paulson, Kyle Chandler, Jake Lacy, Cory Michael Smith, Carrie Brownstein, John Magard, Kevin Crowley, Ryan Wesley Gilreath, Trent Rowland, Jim Dougherty, Douglas Scott Sorenson, Nik Pajic. 118′. V.O.S.

Nueva York, años 50. Therese Belivet (Rooney Mara), una nueva dependienta d’una tienda de Manhattan que suaña con una vida meyor, conoz un día a Carol Aird (Cate Blanchett), una muyer elegante y sofisticada que s’atopa atrapada nun matrimoniu infeliz. Ente elles surde xuna atracción inmediata, cada vez más intensa y fonda, que va camudar les sos vides pa siempres.

CMI Atenéu La Calzada. Salón d’actos. Miércoles 20 de febreru a les 19.00 hores Ensin encamentar a menores de 12 años.

Tamién te podria gustar