El cine del Atenéu sigue col Ciclu Miraes de muyer Moolaadé

06 febreru 09:29 2019 Imprimir

El cine de muyeres y con muyeres marcó unu enclín nestos años, ufiertando una serie de películes que, ensin ser abanderaes de nenguna corriente comenenciosa, supieron ufiertar un cine llibre que puede entender cualesquier que tenga ganes de ver una bona hestoria contada con un bon planteamientu cinematográficu.

Consiguiendo manifestar la so forma d’entender la imaxe y la narración, teniendo de mancomún una mirada que les estrema y les singulariza.

CMI Atenéu La Calzada. Salón d’actos. Miércoles 6 de febreru a les 19.00 hores
Presentación previa.

Moolaadé
Senegal, 2004. Dir. Ousmane Sembene. Repartida: Maimouna Helene Diarra, Fatoumata Coulibal y, Salimata Traore, Dominique T. Zeida, Mah Compaore, Naky Savane. 119′. V.O.S.

Collé Amburo vive nun pueblu africanu. Va siete años nun dexó que la so fía fuera sometida a la ablación, una práctica que-y paez una barbarie. Güei cuatro neñes fuxen para escapar del ritual de la purificación y piden a Collé que les protexa. A partir d’esi momentu, enfréntense dos valores: el respetu a dereches d’asilu (el moolaadé) y la tradición de la ablación (la salindé) (sinopsis de filmaffinity.com)

Non encamentada para menores de 13 años

  Categories: