El cine del Atenéu proyeuta ‘En tierra d’homes (North Country)’

22 mayu 09:58 2019 Imprimir

El CMI Atenéu La Calzada va acoyer nel so salón d’actos esti miércoles 22 de mayu a les 19 hores la proyeición de ‘En tierra d’homes (North Country)’ dientro del ciclu de cine programáu en relación a la esposición L’Algodonera de Xixón.

Inspirada nun casu real, la película enmarca l’acosu de xéneru contra la muyer nun contestu de machismu fondu y d’agresividá contra’l trabayu femenín na mina, amosando la pasividá, preste y consentimientu de sindicatos, directivos y xerencia, según la falta de solidaridá de delles muyeres a la de defender los sos derechos ya intereses de xéneru.

Josey Aimes (Charlize Theron), una madre soltera, torna al so pueblu natal nel norte de Minnesota y, para salir alantre, busca trabayu nes mines de fierro. Nun s’imaxina a qué clase d’humildaciones vense sometíes les muyeres nel trabayu (sinopsis de filmaffinity.com).

CMI Atenéu La Calzada. Salón d’actos. Miércoles 22 de mayu a les 19.00 hores

Ciclu de cine programáu en relación a la esposición L’Algodonera de Xixón, Amigos de La Calzada XIV/Grupu RECAL.

Proyecciones en V.O.S.
En tierra d’homes (North Country)
EE.XX., 2005. Dir. Niki Caru. 126”.
Non encamentada a menores de 13 años.

  Categories: