El CILE de Córdoba cierra col llinguaxe inclusivu como tema autoinvitáu

by redacción asturnews | abril 2, 2019 8:28 am

La ciudá arxentina de Córdoba acoyó decenes d’actividaes alredor del español, col VIII Congresu Internacional de la Llingua Española (CILE,) anque namá una sesión taba dedicada al llinguaxe políticamente correctu. Nin tan solo al llinguaxe inclusivu, pero, como dixo la escritora arxentina Claudia Piñeiro, a les feministes nun-yos importa si l’Academia almite esti llinguaxe non discriminatoriu para la muyer, “elles van usar igual”.

Quepe dicir qu’esa afirmación nun ye del too cierta. A pesar de les crítiques, toos queremos que, quiera que non, l’Academia reflexe les esmoliciones llingüístiques particulares de cada comunidá. Asina, dende’l día de la inauguración, en que Carme Riera apuntó la so molición sobro la invisibilidá de les muyeres, hasta’l día de la clausura, cualquier ocasión foi bona pa faese oyer, reivindicar y, inclusive, faer notar un desequilibriu na composición de les meses tocantes a sexos.

La llibertá d’espresión foi más allá y dalgunos de los ponentes cuestionaron la política panhispánica de la RAE, por “neocolonialista”. Según Muñoz Machado, tou enmarcóse nun alderique enriquecedor, y nun tuvo reparu en reconocer qu’hai que trabayar p’arreglar les crítiques que delles voces espresaron.

Luis García Montero, director del Institutu Cervantes y coorganizador del CILE, coincidió tamién col “espíritu de llibertá” y sostuvo que “el futuru n’español pinta bien”. Poniéndose del llau de los críticos, recordó que cinco de cada seis falantes d’español son americanos y que’l diccionariu tien de faese ente les 23 academies.

Otra de les exes fundamentales d’esti congresu, y equí sí respondía a la convocatoria oficial, foi de la llingua na era dixital. Muñoz Machado amosó la so implicación, en nome de les academies, de ponese  al mandu d’establecer un español pa les máquines. Si hai xuna institución normativa, como ye la RAE y l’Asociación d’Academies, ye lóxicu que busque la unidá d’esti modelu de llingua pa tolos artiluxos (700 millones, más que falantes) qu’empleguen l’español na so comunicación col usuariu.

Source URL: http://asturnews.com/el-cile-de-cordoba-cierra-col-llinguaxe-inclusivu-como-tema-autoinvitau/