El CIFP La Llaboral de Xixón amuesa los sos nuevos formatos pedagóxicos

El CIFP La Llaboral de Xixón amuesa los sos nuevos formatos pedagóxicos
19 mayu 19:42 2017 Imprimir

Los alumnos y alumnes del primer cursu del Ciclu Formativu de Grau Cimeru de Desenvolvimientu d’Aplicaciones Web que s’imparte nel CIFP La Llaboral de Xixón trabayen con nuevos enfoques metodolóxicos, que presentaron esta selmana al públicu en xeneral.

Los sos profesores propunxéron-yos un retu nel que teníen d’utilizar datos abiertos (Open Data) pa desenvolver un prototipu d’aplicación cola qu’ameyorar les polítiques ambientales de les empreses de la redolada. Tuvieron la suerte de cuntar col conseyu y el sofitu de Martín Álvarez, del W3C.

Como puntu final al so trabayu celebrose una Xornada, el día 16 de mayu nel Paraninfu de Llaboral Ciudá de la Cultura, na que representantes del alumnáu de diversos centros educativos y de distintes especialidaes compartieron ya intercambiaron col públicu la so valoración d’esta esperiencia d’aprendizaxe.

Escoyóse unu de los prototipos desenvueltos pol alumnáu para ser presentáu en dicha xornada. Tratase d’una aplicación de movilidá que podría ser usada poles empreses para dexar a los sos emplegaos planiar los sos desplazamientos.

Esta aplicación utiliza datos abiertos del Conceyu de Xixón y busca amenorgar l’impactu ambiental del usu del vehículu personal nos desplazamientos.

  Categories: