El ciclu xineru-marzu’16 de escenAvilés inclúi tres estreno teatrales absolutos

El ciclu xineru-marzu’16 de escenAvilés inclúi tres estreno teatrales absolutos
04 xineru 16:42 2016 Imprimir

El ciclu xineru-marzu’16 de escenAvilés inclúi tres estrenos teatrales absolutos y va entarmar el 15 de xineru cola obra “Olivia y Eugenio”, protagonizada por Concha Velasco.

Trátase de los montaxes “Llerza”, de Mika Millyano, “La puerta d’al llau”, de Fabrice Roger Lacan, y “El pack”, de Áurea Martínez Fresnu. Mientres esti nuevu ciclu van aportar a la ciudá actores como José María Pou o Concha Velasco, calteniendo l’espaciu pal teatru off y los autores ya intérpretes asturianos, ensin escaecer les notes sinfóniques de la OSPA. La vienta d’entraes pa cada unu de los espectáculos programaos arrincó’l 22 d’avientu, nos puntos de vienta habituales.

Avilés va siguir siendo, demientres el primer trimestre de 2016, un puntu destacáu na xeografía nacional no que se refier a la programación d’artes escéniques, gracies a la cartelera del ciclu xineru-marzu de escenAvilés.

La calidá de los espectáculos programaos, pero tamién la sonadía adquirida polos escenarios de la ciudá -l’Auditoriu de la Casa de Cultura, l’Auditoriu y Salar Club del Centru Niemeyer, y el Teatru Palacio Valdés- faen d’esti ciclu, que aúna teatru, danza y música, unu de los de mayor interés y relevancia del panorama nacional.

Esti ciclu xineru-marzu’16 de escenAvilés va acoyer los estrenos absolutos de tres espectáculo teatrales: los montaxes “Llerza”, de Mika Millyano, “La puerta d’al llau”, de Fabrice Roger Lacan, y “El pack”, de Áurea Martínez Fresnu.

En concretu, el 12 de febreru, va representase “Llerza”, en versión de Fernando J. López y Quino Falero al mandu de la dirección d’un elencu integráu por Sergio Mur, Guillermo Ortega y Felipe Andrés.

El día 19 de febreru programa “La puerta d’al llau”, con adaptación y dirección de Sergio Peris-Mencheta, y con Silvia Marsó y Pablo Chiapella, nos principales papeles.

El tercer estrenu absolutu del ciclu va ser el 26 de febreru, col títulu de “El pack”, escritu y empobináu por Áurea Martínez Fresnu, con Marta Solaz Cruz, en papel principal d’un elencu qu’inclúi a dellos actores virtuales.

El teatru off vuelve ocupar un llugar destacáu nesti ciclu, coles obres “Ayuda”, de María Goos, “Dignidá”, de Ignasi Vidal, y “Les  Utres”, de Carles Harillo. Tamién va haber sitiu pa el autores ya intérpretes asturianos, cola obra Anónimu. La vida de Lazarillo de Tormes y de les sos fortunes y adversidaes”, de Sandro Corderu y Teatru del Cuervu, y “Enforma llovió”, de Pachi Poncela y Factoría Norte.

A lo último, la Orquesta Sinfónica del Principáu d’Asturies volverá allantar al públicu avilesín cola tercer parte del programa “Aurores Boreales”, dientro de la sección Música n’Escena”.

  Categories:
Loading Facebook Comments ...