Portada Cine El Ciclu Puru teatru presenta’l clásicu “La importancia de llamase Ernesto”

El Ciclu Puru teatru presenta’l clásicu “La importancia de llamase Ernesto”

by redacción asturnews

El CMI L’Arena, acoyerá nel so Salón d’actos, la presentación del clásicu “La importancia de llamase Ernesto”, filme de Oliver Parker.

Jack Worthing (Colin Firth) tien un secretu. Lleva una vida sele y respetable nel campu, onde exerz como protector de la bella Cecily Cardew (Reese Witherspoon); pero cuando precisa prestase, escapar a Londres y faise pasar pol so imaxinariu hermanu Ernesto, un home tan disoluto y estravagante como’l so íntimu amigu ‘Algy’ Algernon Moncrieff (Rupert Everett).

Sicasí, l’oxetivu del so últimu viaxe a Londres ye proponer matrimoniu a la prima de Algy, Gwendolen Fairfax (Frances O’Connor). La moza acepta la propuesta, pero la so madre, la tarrecible Lady Bracknell, que tien otros planes para la so fía, pescuda que Jack, siendo un ñácaru, foi topáu n’una bolsa abandonada na Estación Victoria. Algy, aprovechando la esmolecedora situación del so amigu, visita a Cecily. Cuando se presenta como Ernesto, afaya encantáu que la moza va tiempu que suaña con casase col hermanu errante. Pero, cuando Jack torna cola noticia de qu’el so hermanu morrió, les coses empiecen a complicase.

CMI L’Arena. Salón d’actos. Martes 26 de febreru a les 19.00 hora
Reinu Uníu 2002. Duración: 97 min.

Dirección: Oliver Parker

Intérpretes: Rupert Everett, Reese Witherspoon, Colin Firth, Judi Dench, Frances O’Connor, Anna Massey, Edward Fox, Tom Wilkinson
Accesu llibre y gratuitu hasta completar aforu.
Organizador    Sociedá Cultural Xestu

Tamién te podria gustar