El Ciclu “Coses de músicos” entrúgase: ¿Soi músicu “profesional”?

El Ciclu “Coses de músicos” entrúgase: ¿Soi músicu “profesional”?
12 abril 08:51 2019 Imprimir
Esti vienres 12 d’abril a les 18.30 hores na sala de conferencies del Centru de Cultura Antiguu Institutu la Escuela de Música Tradicional La Quintana sigue desenvolviendo’l ciclu “Coses de músicos”.

N’abril, la Escuela de Música Tradicional La Quintana sigue celebrando’l so 20 cumpleaños, convidando al ciclu “Coses de músicos” a cualesquier persona que tea interesada en tolo qu’arrodia la música, dende cualesquier puntu de vista. Nesta ocasión, la escuela de música tradicional más veterana de Xixón plantéganos: ¿Soi músicu profesional?

Lo más normal del mundu ye qu’un grupu o un músicu cobre por dar un conciertu. Pero, ¿ye eso ser profesional? Evidentemente non. La profesionalidá nun se refier a si yes meyor músicu o más virtuosu. Refierse a si “ser músicu” ye o non la to profesión. Poro, hai de tener en cuenta coses como quién paga o quién fautura, cuála ye la mio cotización, quién ye’l responsable de la contratación, si trabayo pa min o trabayo pa otra persona o entidá, o qué obligaciones y drechos teo como trabayador o autónomu. Roberto Gómez (Legal Zone) va tratar d’aclaranos un poco toos estos conceutos.

Arriendes d’ello, como davezu, depués de la charra va haber un conciertu curtiu del grupu La Casa Mariella, formáu por exalumnos de la EMT La Quintana.

Organizador Escuela de Música Tradicional La Quintana (Asociación Cultural Retueyu)
  Categories: