El CEPA aprueba’l decretu del currículu del segundu ciclu d’Educación Infantil

El CEPA aprueba’l decretu del currículu del segundu ciclu d’Educación Infantil
15 xunu 11:09 2017 Imprimir

Esti martes, el Conseyu Escolar del Principáu d’Asturies (CEPA), aprobó’l decretu de primera modificación del Decretu 85/2008, de 3 de septiembre, pol que s’establez el currículu del segundu ciclu d’Educación Infantil (EI).

El Decretu faise pa dar entrada a la llingua asturiana y el gallego-asturianu nelli y que l’alumnáu de 3,4 y 5 años puea tener accesu a estos conteníos. El Gobiernu asturianu treslladará agora al currículum d’EI el mandáu de la llei d’Usu del asturianu de 1998 depués de pasar l’alumnáu asturiano más de 19 años d’apartheid llingüísticu.

La reglamentación del tratamientu que recibirán les nuestres llingües propies va ser más restrictiva de lo que la llei d’usu posibilita sigún toles fuerces sindicales y les asociaciones de defensa del idioma y, poro, enforma alloñada del tratamientu igualitariu y equilibráu que tienen les llingües propies n’otros territorios. Pa SUATEA, qu’ayeri mesmo espublizaba un counicáu al respective, “tanto ye asina que la modificación estrictamente curricular afecta solo a les manifestaciones culturales asturianes nel que se reflexa el conteníu relativu a la llingua asturiana de forma marxinal con esti amestáu lliteral: y, en su caso, al patrimonio lingüístico.”. SUATEA propunxo modificar esa redacción faciendo una mención esplícita al nuestru idioma y nun fue aprobada nel CEPA.

Tolos demás artículos refiérense a midíes alministratives d’implantación que SUATE analiza dafechu nel mentáu comunicáu:

  • El tiempu que se-y dedicará sedrá d’una hora selmanal. SUATEA propunxó un mínimu d’una hora y máximu de 1,5 hores pa iguala polo menos al aria que menos carga horaria tien n’esta etapa (Inglés). Vese asina otra vez el tratamientu discriminatoriu que-y da l’alministración a los conteníos llingüísticos propios.
  • El profesoráu que va impartir docencia va ser el de primaria que tenga capacitación y, naquellos centros que sean d’EI y tengan asturianu en Primaria, estos podrán incorporase siempre y cuando cunten con disponibilidá horaria. SUATEA denunció qu’esti llendamientu yera contrariu a la llei d’Usu y que que si fuere necesario s’ampliare l’horariu del profesoráu faciendo les contrataciones pertinentes. Tampoco se tuvo en cuenta.
  • Una vez publicáu en BOPA va aplicase secuencialmente en trés años a tolos niveles. El cursu que vien a les poquísimes escueles que taben recibiendo esta atención; el 18/19 en toles escueles al alumnáu de 5 años; y pal 19/20 xeneralizaráse a toles escueles y tol alumnáu de 3,4 y 5 años. Sicasí, faculta a la Conseyería a condicionar esta xeneralización a la disponabilidá presupuestaria. SUATEA denunció qu’esa restricción yera contraria a la llei, al condicionar el derechu reconocíu por esta a la autorización del conseyeru/a en función de si hai o non perres pa exercelu; y propunxo enmiendes p’aplicar el decretu en dos años eliminando eses restricciones.

Una vez se publique nel BOPA el decretu, SUATEA diz que “seguirá sollerte a la so correcha aplicación y lluchando pa que les nuestres llingües tengan el tratamientu dignu que merecen na educación y la sociedá asturiana”.

  Categories:
Loading Facebook Comments ...