El centru social de Ventanielles acueye un taller pioneru de cocina ensin gluten

El centru social de Ventanielles acueye un taller pioneru de cocina ensin gluten
13 mayu 16:30 2022 Imprimir

La conceyala de Centros sociales, Lourdes García, presentó ayeri, en rueda de prensa un Taller de Cocina ensin Gluten, que se celebrar esti vienres, día 13, a les 18:00 hores, nel Centru Social de Ventanielles, “una actividá qu’entamamos  dende la rede de Centros Sociales d’Uviéu, n’estrecha collaboración cola empresa de distribución Mercadona y l’asociación asturiana de celiaquía ACEPA”.

Acompañaron a la edil,la presidenta de l’asociación de celiacos ACEPA, Elena Díaz, y el cocineru Eduardo Fernández, propietariu de La Pavoneta, la primera food truck d’Asturies y d’España ensin gluten, que tamién forma parte d’esta iniciativa.

“Con esti taller queremos concenciar sobre una parte de la población de la que cada vez se conocen más casos y que les sos necesidaes debemos interiorizar y tratar d’arreglar nel día ente día, tamién poniendo’l nuesu granín d’arena dende l’alministración local, la celiaquía. Creo que nun equivoco si afirmo qu’a día de güei toos tenemos dalgún amigu familiar o conocíu al que diagnosticaron la intolerancia al gluten, yá nun son rara avis, y por eso ye nuesu tener de fae-yos la vida más fácil y consiguir una integración total d’esti colectivu”, sorrayó la concejala Lourdes García.  Ye por eso que mañana vienres, nel centru social de Ventanielles, vamos tener la oportunidá d’averanos a esti problema d’una manera práctica, lúdica y  risondera, al traviés d’un taller de cocina. Gracies a la collaboración de la empresa Mercadona y en collaboración cola asociación ACEPA vamos poder aprender a cocinar ensin gluten. Y qué meyor manera de faelo que coles recetes y los trucos d’un espertu, el cocineru Eduardo Fernández, de La Pavoneta, que, como dicía, ye la primera food truck d’España con sellu gluten free”, puntualizó la edil,  de la qu’esclarió que se trata d’una actividá inédita, qu’estrenamos en Centros Sociales y que tamos seguros de que va consiguir una gran aceptación del públicu y los usuarios, porque anguaño yá convivimos cola celiaquía como daqué habitual y ente toos tenemos de consiguir que s’estienda la solidaridá a tolos establecimientos, restoranes, comercios, por que esta parte de la población nun quede escluyida de la so cartera de veceros y puedan ser como cualquier ciudadanu a la de pidir un menú o faer la compra”.

Elena Díaz, presidenta de l’Asociación de celiacos d’Asturies, estimó “esta actividá que se celebra esti mayu celiaco’ y que ye bien demandada porque nós nun tomamos nenguna medicación sinón que llevamos un dieta ensin gluten. Gracies al Conceyu d’Uviéu y a Eduardo Fernández. Envalórase qu’en redol al unu per cientu o dos per cientu de la población ye celiaca, una enefermedad crónica, y cada vez se diagnostiquen más casos”.

El cocineru Eduardo Fernández, de La Pavoneta, la primera food truck d’España con sellu gluten free, destacó “la importancia de potenciar la parte social d’un celiacu por que nun tea aislláu… ye muncho más qu’una tema alimentario. Voi Enfocar les recetes d’esti taller dende la parte más risondera, un showcooking nel que nun va faltar la risa y les anécdotes, amás del aprendizaxe de cómo comer ensin gluten”.

  Categories:
Loading Facebook Comments ...