El Centru Dramáticu Nacional emite en directu trés obres sobro l’actual pandemia

El Centru Dramáticu Nacional emite en directu trés obres sobro l’actual pandemia
26 xunu 08:54 2020 Imprimir

El Centru Dramáticu Nacional va emitir en directu trés obres sobro l’actual pandemia, con grandes nomes de la escena xuníos pa crear ‘La conmoción’, ‘La distancia’ y ‘La incertidume’, que se van ver de baldre.

La pandemia llega a los escenarios. El Centru Dramáticu Nacional (CDN) de Madrid torna’l día 26 cola triloxía La pira, trés obres de teatru emitíes en directu y gratuitamente al traviés de streaming sobro la esperiencia del confinamientu. La triloxía ta compuesta por La conmoción, La distancia y La incertidume, trés pieces creaes, caúna d’elles, por trés destacaos dramaturgos actuales –dende Alfredo Sanzol, actual director del CDN, a Juan Mayorga, Pau Miró o Victoria Szpunberg– a partir de les sos visiones sobro la pandemia.

Amás, cada capítulu de la triloxía va tener una dirección y un equipu artísticu distintos. El proyectu arrinca’l 26 de xunu con La conmoción, con testu d’Eva Mir, Alfredo Sanzol y Victoria Szpunberg, y so la dirección d’Alfredo Sanzol. Una reflexón sobro lo inesperao de la situación na que vimos somorguiaos  arriendes del espardimientu de la Covid-19. va emitir en directu l’a les 20 hores dende’l teatru María Guerrero de Madrid.

La distancia, el día 3 de xunetu a la mesma hora, va ser la segunda de les funciones. Escrita por Andrea Jiménez y Noemi Rodríguez, Juan Mayorga y Pau Miró, y so la dirección d’Andrea Jiménez y Noemi Rodríguez, enceta la distancia, lliteral y mental, encamentada pa evitar l’andada. Y les consecuencies d’esta sobro’l nuesu día ente día. va emitir en directu dende’l teatru Abargane-Inclán.

La tercer parte de La pira va ser el 10 de xunetu: La incertidume. Con testu de Lucía Carballal, Denise Despeyroux y Pablo Remón, qu’amás la dirixe, plantega’l futuru inciertu nel que nos dexó la pandemia y traduz el comportamientu desconocíu d’esti virus na dinámica impredicible del momentu que travesamos. va emitir en directu tamién a les 20 hores dende’l Teatru María Guerrero.

Los trés obres van permanecer disponibles una selmana nes mesmes páxines dende onde podrán vese en streaming mientres la so representación en directu: nes cuentes oficiales de Facebook y YouTube del CDN y tamién na web laventanadelcdn.com, un espaciu creáu pel Centru Dramáticu Nacional mientres la pandemia pa ufiertar charres, clases y creaciones teatrales pa ser emitíes online.

  Categories: