El Centru de Música Nueva Pedro Bastarrica ufierta places de iniciación de cantar moderno

El Centru de Música Nueva Pedro Bastarrica ufierta places de iniciación de cantar moderno
24 09:29 2020 Imprimir

Empecipiaos los Cursos de Formación Musical (2020-2021) impartíos nel Centru de Música Nueva Pedro Bastarrica, hai dos places disponibles nos cursos de cantar moderno, nivel de iniciación. Una d’elles los llunes y l’otra los miércoles, en dambos casos de 17:30 a 19:00 hores. Anguaño, y en tantu permanezan les restricciones derivaes del COVID-19, les clases tán desenvolviéndose online en directu, al traviés de la plataforma Teams.

Les solicitúes tán disponibles na web municipal http://www.oviedo.es/cmusicajoven y, una vegada rellenaes, van poder ser presentaes presencialmente, y por aciu cita previa nel teléfonu 985953211, nel  Rexistru Auxiliar de Servicios Sociales del Conceyu d’Uviéu (C/ Quintana, 6), o telemáticamente al traviés del Portal del Ciudadanu.

Para solicitar la participación nestos cursos ríquese que la persona solicitante tea empadronada nel Conceyu d’Uviéu y cumplir los 16 años antes del 31 d’avientu de 2020. L’alumnáu d’estos Cursos de Formación va haber d’abonar una tasa de matrícula de 25,98 € y una tasa mensual de la mesma cantidá, conforme s’establez na Ordenanza Municipal pal exerciciu 2020.

P’ampliar la información o solicitar cualesquier otra aclaración, les persones comenenciudes pueden faelo por aciu corréu electrónicu al Centru de Música Nueva Pedro Bastarrica (cmusicajovenoviedo.es )

Esta iniciativa forma parte del Proyectu Fomento y sofitu a la cultura musical, enmarcáu nel Programa denomináu Mozu-Tu, y que ye frutu del conveniu de collaboración suscritu pol Conceyu d’Uviéu y Cruz Roja Española, desenvolviéndose íntegramente nel Centru de Música Nueva Pedro Bastarrica.

  Categories: