El Centru d’Arte y Esposiciones acueye la esposición “Just Residence 2017”

El xueves 11 de mayu a les 19:30 hores, tuvo llugar nel Centru Municipal d’Arte y Esposiciones la inauguración de la esposición “Just Residence 2017” que va tar abierta hasta xunu y qu’amuesa la de los 9 artistes de 7 nacionalidaes residentes na Factoría Cultural ente’l 27 de xineru y el 18 de febreru de 2017.

A l’apertura de l’amuesa allegose la conceyala de Cultura, Yolanda Alonso, xuntu con Antonio Machado Amorim y José Sánchez, dos de los artistes que participaron en Just Residence 2017.

L’amuesa ta formada por obres de los 9 artistes de 7 nacionalidaes residentes na Factoría Cultural ente’l 27 de xineru y el 18 de febreru de 2017. Tou ello nel marcu de la collaboración suscrita ente dicha entidá y la feria d’arte emerxente de Madrid JustMad. L’artista cubanu Carlos Garaicoa foi l’encargáu d’exercer como mentor d’estos mozos creadores mientres la so estancia na nuesa ciudá.

Escoyíos primeramente por un xuráu profesional, los 9 participantes fueron:

Antonio Machado Pinheiro d’Amoríu (Portugal)
Olga Kozmanidze (Rusia)
Eliza Goldox (Alemaña)
Lidia Orán Llarena (España)
Jolene Mok (China/UK)
Juraj Florek (Eslovaquia)
Philipp Valenta (Alemaña)
Diana Fonseca (Cuba)
José Sánchez (España)

La recuperación y tresformamientu del paisaxe industrial al traviés del arte contemporaneo foi l’argumentu de reflexón d’esta cuarta edición del programa de residencia. Los conceutos de memoria del paisaxe industrial, la integración del arte en dichu paisaxe y la rexeneración de les infraestructures abandonaes son dalgunes de les llínees de trabayu sobro les qu’ellaboraron xuna propuesta.

Por eso, Avilés foi un marcu perfectu pa la celebración de Just Residence 2017 y pa desenvolver acciones que intersecten l’arte contemporaneo cola buelga de la industria nel paisaxe urbano. Asina, mientres la so estancia, los artistes residentes visitaron distintes organizaciones y allugamientos pa desenvolver los sos trabayos.