Portada Música El Centru Asturianu de Mallorca va celebrar una selmana cultural alredor de la cultura’l país

El Centru Asturianu de Mallorca va celebrar una selmana cultural alredor de la cultura’l país

by asturnet

El sábadu 19 va entamar una Selmana Cultural Asturiana “La Semanona”, en Mallorca, organizada pol Centru Asturianu na islla. La selmana va incluyir una esxposición, “La cabra tira’l monte” de l’artista asturiana, aficanda en Mallorca, Lin Pola. La inauguración de la mesma y de los actos de la Semana va tener llugar el llunes 14 a les 20.30 hores nel Centru Social Flassaders, asitiáu na cai Ferreria, 8.

El sábadu 19, na Plaza S’Escorxador, van participar con un pasacais los miembros del grupu folclóricu “L’Artusu” de Mieres, será a partir de les 12:30 hores. A la una, celebraráse un concursu d’echadores de sidra, patrocináu por sidra Menéndez, incluyendo una actuación de los gaiteros Xandru Castro y David Muiño

A les 15.30 nueva actuación a cargu de L’Artusu y preba de productos asturianos a precios populares, amás d’un sortéu de viaxes a Asturies.

Piésllase esta primer xornada con actuación de la banda de gaites Añaquinos, a les ocho y cuartu y con DJ Qking, que dende les 10 va pinchar “30 años de música asturiana”: Melendí, Los Ilegales, El Sueño de Morfeo, Los Berrones, Tino Casal, Australian Blonde, Nacho Vegas, Víctor Manuel, Dixebra,Vicente Díaz….

El domingu 20, na mesma plaza, la xornada va entamar con un pasacais de L’Artusu, a media mañana. A la una, va cocinase y servise, una Gran Fabada pa 300 persones con fabes de Grau y compangu d’Embutíos Vallina. La ración (fabada, agua y pan) venderáse a 6 euros hasta fin d’esistencies.

A les nueve, entréguense los premios del sortéu de viaxes a Asturies.

Tamién te podria gustar