El Centru Asturianu de Mallorca reabre con nueva directiva

12 febreru 11:09 2009 Imprimir

El Centru Asturianu de Mallorca llevaba ocho años peslláu. Pa camudar esta situación un grupu de mozos d’ente 25 y 36 años asitiaos na islla, decidieron garrar la organización y reentamar les sos actividaes. Pa ello acaben de conformar la nueva directiva del llar de los asturianos en Mallorca, que preside Rubén Llames.

La nueva Xunta Direutiva del Centru Asturianu de Mallorca va celebrar esti vienres 13 de febreru los primeros carnés de sociu del Centru dende la reapertura. Unos carnés basaos nel trabayu del artista asturianu Pedro Losa, que va entregar la Viceconseyera d’Emigración, Teresa Ordiz.

Con esti actu, el Centru Asturianu de Mallorca entama una nueva etapa de la so hestoria con una directiva moza y con ganes de dar a conocer a Asturies y a los asturianos en tierres mallorquines.

  Categories:
Loading Facebook Comments ...