El Centru Asturianu de Madrid convoca’l VIII Concursu de Relatu Curtiu en Llingua Asturiana

04 febreru 11:09 2009 Imprimir

El Centru Asturianu de Madrid, ún de los más activos del Estáu y el más vetustu, ta acabante convocar una nueva edición del concursu de rellatos curtios en llingua asturiana “Xosé Álvarez”. El plazu pa presentar los trabayos, que tamién puen tar escritos en gallego-asturianu, fina’l 30 de setiembre. Asturnews ufre les bases completes del concursu.

Bases completes del premiu:

PRIMERA.- Puen participar nél toles persones físiques, de cualesquiera edá, residencia o nacionalidá col númberu d’obres que-yos pete.

SEGUNDA.- Premiárase aquella obra ensin publicar qu a xuiciu del xuráu presente más valir lliterariu. El premiu sedrá únicu, pudiendo quedar ermu.

TERCERA.- Les obres tarán redactaes dafechu en llingua asturiana, respetando les normes ortográfiques de la mesma; almitiránse les obres escrites na variante llingüística asturgalaica. La temática ye llibre, siendo’l so argumentu relacionáu con Asturies o la emigración asturiana. El llargor de los relatos tendrá un mínimu de 10 fueyes (DIN A-4 o foliu) mecanografiaes a doble espaciu per una sola llana y nun ha superar les 20.

CUARTA.- Los orixinales han ser inéditos, non premiaos con anterioridá, nin suxetos a nengún compromisu editorial.

QUINTA.- El Premiu nomaráse XOSÉ ÁLVAREZ. Premiárase’l trabayu ganador con 1.500 euros y publicarálu’l Conseyu de Comunidaes Asturianes. El xuráu podrá dar un accésit con diploma, ensin dotación económica que pue tamién publicase; l’accésit nomárase XOSÉ LEÓN DELESTAL. Los derechos de los relatos premiaos pasarán a poder del Centru Asturianu de Madrid.

SESTA.- Los trabayos presentaránse escritos con máquina o ordenador, dirán ensin firma y amás del títulu llevarán un nomatu qu apaecerá tamién nel esterior d un sobre axuntáu; nel interior del sobre tarán escritos el nome, apellíos, señes y teléfonu del autor de la obra presentada. Amestaránse xunto col sobre seis copies por cada trabayu presentáu.

SÉTIMA.- El plazu de presentación de trabayos terminará’l miércoles 30 de setiembre de 2009.

OCTAVA.- Les obres han mandase a les señes siguientes: Centru Asturianu de Madrid (c/. Farmacia nu 2, 28004-Madrid) indicando que ye pal CONCURSU DE RELATU CURTIU N’ASTURIANU – CENTRU ASTURIANU DE MADRID.

NOVENA.- El xuráu tará formáu por representantes de l’Academia de la Llingua Asturiana, de la Dirección Xeneral de Promoción Cultural y Política Llingüística de la Conseyería de Cultura y Turismu del Principáu d Asturies, del Conseyu de Comunidaes Asturianes y dos del Centru Asturianu de Madrid; como secretaria, con voz pero ensin votu, actuará la Secretaria Xeneral del Centru Asturianu de Madrid. El fallu del xuráu va ser irretrucable y daráse conocencia pública del mesmu nel Día de les Lletres Asturianes en Madrid que se celebrará l xueves 29 d ochobre de 2009, nel Salón d Actos Príncipe d Asturies del Centru Asturianu. Los trabayos non premiaos podrán retirase, polos sos autores o persones autorizaes, en conociendo’l fallu del xuráu hasta l 13 de payares de 2009 nel mesmu llar del Centru Asturianu de Madrid.

DÉCIMA.- Presentase al concursu supón aceptar dafechu estes bases. Les cuestiones que se plantexen y que nun tuvieren establecíes nestes bases podrá resolveles el xuráu.

  Categories:
Loading Facebook Comments ...