Portada Fiestes El Centru Asturianu de Lausanne organiza un Festival Internacional de Música Celta

El Centru Asturianu de Lausanne organiza un Festival Internacional de Música Celta

by asturnet

El Centru Asturianu de Lausanne (Suiza) va acoyer los díes 17 y 18 de setiembre un festival de música celta con motivu de la conmemoración del so venti aniversariu. L’eventu, que se va cellebrar a orielles del llagu Leman, quier mostrar la cultura y la gastronomía asturiana a la comunidá suiza.

El presidente d’esti Centru Asturianu, Emilio Álvarez, reunióse ayeri col director de l’Axencia Asturiana d’Emigración, Luis Miguel Fernández Romero, pa presentar esti festival que va llevar a diferentes grupos de música folk y a la cantante de tonada Anabel Santiago hasta la Plaza de la Navegación suiza. Xunta ellos tamién va participar un grupu de baille tradicional de Bretaña; gaiteros escoceses, gallegos, asturianos; y el grupu de baille rexonal del centru, ‘El Escarpín’.

Amás, el centru va llevantar una carpa con capacidá pa más de quinientes persones na que se cellebrará un mercáu astur, nel que van participar cesteros y madreñeros, y onde’l conceyu de Llanes va promocionar los sos meyores quesos.

Nos actos previstos pal domingo, que van xuntar a más de cuatrocientes persones alredor d’una gran fabada, y nos que se fairá una exhibición de diversos deportes autóctonos, cuéntase cola presencia del conseyeru de Xusticia, Seguridá Pública y Relaciones Esteriores, Francisco Javier García Valledor.

Tamién te podria gustar