El Campoamor acueye les VII Estancies Coreográfiques

by redacción asturnews | julio 30, 2020 10:32 am

Hasta’l próximu día 8 d’agostu’l Campoamor conviértese en see y n’exa principal d’Estancies Coreográfiques, l’alcuentru d’investigación coreográfica que se celebra dende va seis años nel citáu teatru  coles mires d’impulsar la creación artística y l’intercambiu.

Nesta séptima edición los organizadores tuviéronse que reinventar pa poder desenvolver la so actividá magar la crisis del coronavirus, por ello, amás d’en Uviéu, los 33 participantes (baillarinos, coreógrafos, investigadores, artistes plásticos y compositores) tán distribuyíos en 15 aules virtuales nacionales (Valencia, Reus, Alicante, Málaga, Madrid) ya internacionales (Italia, Noruega y Estaos Xuníu) colos que se conecta diariamente dende’l mesmu teatru Campoamor.

L’Alcalde, Alfredo Canteli y el presidente de la Fundación Municipal de Cultura,  Jose Luis Costielles, visitaron pela mañana’l teatru p’amosar el so sofitu a esta iniciativa que convierte a “Uviéu en referente mundial” según palabres del rexidor. Pela so parte, el conceyal de Cultura quixo destacar “los esfuerzos del Conceyu y de la FMC por caltener la programación cultural (…) siempres con unos controles estrictos que garanticen la seguridá de toos”.

El director d’Estancies Coreográfiques, Yoshua  Cienfuegos, esplicó que la tema sobro la que se va trabayar anguaño ye “la composición coreográfica de Dúo, como un referente perimportante nel legáu compositivo. Como cada añu esti procesu va facilitanos material bien amplio y relevante pa les futures publicaciones que van ver la lluz mientres l’añu 2021”. Les resultancies del procesu editar en dos formatos:  2 llibros (unu pedagóxicu y otru filosóficu) y 1 video amuesa na que se va resumir tol procesu d’Estancies Coreográfiques 2020. Acaldía van abrise retresmisiones en directu de les conclusiones de la xornada.

Source URL: http://asturnews.com/el-campoamor-acueye-les-vii-estancies-coreografiques/