El CCAI de Xixon acueye la presentción del poemariu ‘Turo’ d’Arturo Carballo

El CCAI de Xixon acueye la presentción del poemariu ‘Turo’ d’Arturo Carballo
28 mayu 10:31 2018 Imprimir

La sala de conferencies del Centru de Cultura Antiguu Institutu de Xixón acueye esti llunes 28 de mayu a les 18.30 hores la presentación del poemariu “Turo” d’Arturo Carballo.

«Nací en Xixón nel branu de 1982. Llámome Arturo, anque munchos conócenme por “Turo”. Tengo una frase, unu d’esos refranes que sirven de guía y marca los tos pasos. Diz asina: “Nun ye más ricu’l que más tien sinón el que menos precisa”. A diariu intentu —que digo yo qu’eso ye lo importante— ser persona.

»Turo ye’l mio primer poemariu. He de reconocer que la poesía siempres m’ayudó a estenar les nubes de la mente. Nunca la entendí como daqué qu’amosar, anque toi empezando a pensar que nun ta nada mal eso de compartir les tos llocures con otros. Turo ye’l mio caxón de xastre, o desastre, según mírese. Cantares, escritos y pensamientos que fui atropando dende’l mio niñez. Agora decidí retomalos dando forma de poema a les feríes y, tamién, a les sorrises qu’atopé nel camín, ayudáu pol mio coach y poeta preferida: Soraya Benítez.»

 

  Categories: