El buque escuela Creoula llegó esti domingu al puertu d’Avilés

El buque escuela Creoula llegó esti domingu al puertu d’Avilés
22 agostu 14:07 2016 Imprimir

El buque escuela Creoula aportó esti domingu al puertu d’Avilés y va tar abiertu al públicu tou esti llunes 22. L’alcaldesa Mariví Monteserín y la conceyala de Cultura, Yolanda Alonso, recibieron güei a la tripulación nel Salón de Recepciones.

El buque escuela portugués Creoula llegaba esti domingu a Avilés, en redol a les 9 de la mañana, na última escala del so viaxe qu’empezó en La Coruña el pasáu 13 d’agostu. Va Permanecer atracáu na dársena de San Agustín, xuntu al Centru Niemeyer y va tar abiertu a les visites gratuites del públicu esti llunes de 13:00 a 19:00 hores

El Creoula ye l’aula navegante de la Universidá Itinerante del Mar (UIM), propiedá del Gobiernu de Portugal y nel so interior viaxen, realizando un cursu, estudiantes universitarios, españoles y portugueses y cadetes de la Escola Naval militar de Portugal.

Esti cursu de branu empezó’l pasáu 13 d’agostu en A Coruña onde’l NTM Creoula acompañó al restu de navíos participantes en Thalls Ships Race. A otru día la UIM empezó’l so periplu que lu llevó primero a Bilbao y de siguío a Santander, pa finalmente llegar a Avilés, onde la tripulación va realizar una visita empuesta’l domingu pela mañana al Centru Niemeyer y a la ciudá d’Avilés.

La Universidá Itinerante de la Mar (UIM)  ye una plataforma universitaria ibérica creada en 2006 poles universidaes d’Uviéu y de Porto y la Escola Naval de Portugal a la que dende entós se xuntaron otres universidaes españoles, portugueses ya iberoamericanes. Tien como finalidaes: ampliar la conciencia marítima de la población; ufiertar una formación complementaria en lóxica de proyectu a estudiantes universitarios, civiles y militares, col fin de desenvolver les sos capacidaes personales pal trabayu n’equipu;  ameyorar  la mutua conocencia ibérica y  estender el lema  “conocencia y aventura”  ente les universidaes del mundu, por aciu  una esperiencia práctica de saléu.

Avilés ye tamién el puntu de partida del segundu de los cursos que s’imparten a bordu del Creoula esti branu. Entama esti llunes 22 nel Centru de Servicios Universitarios con dos conferencies y un actu institucional nel que participó’l Rector de la Universidá d’Uviéu. Una vegada termine la sesión nel CSU Avilés, el grupu treslladose al Conceyu d’Avilés onde, a les 12 hores, foron recibíos pola alcaldesa d’Avilés, Mariví Monteserín y la conceyala de Cultura, Yolanda Alonso.

Finalmente, el Creoula va zarpar d’Avilés na mañana del martes 23 d’agostu, en redol a les 9 de la mañana, camín de les Isles Cíes, Porto y Lisboa, onde va rematar el cursu marítimu’l 29 d’agostu.

  Categories: