El branu del ayeri de Xixón ente 1882 y 1935 sigue nel Piñole

Tomando como filu conductor los portfolios veraniegos publicaos añalmente dende 1882 hasta 1935, una esposición nel Muséu Nicanor Piñole sigue abierta pa reflexar la intención de Xixón de promocionase como destín turísticu por excelencia del veranéu asturianu.

Entamada pol Muséu Nicanor Piñole cola collaboración del Muséu del Pueblu d’Asturies y otres colecciones publiques y privaes, propón un aproximamientu a esti fenómenu local nel que conflúi un turismu burgués con un turismu popular que cada vez va cobrando mayor importancia. Nicanor Piñole, García Mencía, Álvarez Sala, Arturo Truan, Constantino Suárez, Juan Martínez Abades, Pedrín Sánchez y Elías Díaz, ente otros munchos, reflexen nos diseños y fotografíes qu’ilustren los portfolios, l’actividá vacacional y festivo de los sos conciudadanos y visitantes nuna ciudá que ta en plenu procesu de desenvolvimientu económicu y sociu-cultural.

Muséu Nicanor Piñole
Del 7 de xunetu de 2022 al 25 de setiembre de 2022