El Bombé va acoyer n’Uviéu la pista de xelu y xuegos infantiles mientres la Navidá

El Bombé va acoyer n’Uviéu la pista de xelu y xuegos infantiles mientres la Navidá
05 11:44 2018 Imprimir

El Paséu del Bombé d’Uviéu va acoyer la pista de xelu y los xuegos infantiles mientres la Navidá. Los pliegos técnicos inclúin cuatro atracciones infantiles y un establecimientu d’hostelería llibre de bébores alcohóliques y la instalación nel Campu San Francisco va abrir dende’l 30 de payares hasta’l 14 de xineru n’horariu de 9 a 22 hores.

La Conceyalía d’Infraestructures y Servicios Básicos, que dirixe la conceyala Ana Rivas, vieno acabante ellaborar les prescripciones técniques p’autorizar la ocupación del Paséu del Bombé cola instalación d’una pista de xelu, atracciones infantiles y un establecimientu d’hostelería destináu fundamentalmente a los neños y neñes. L’equipamientu plantégase para la campaña de Navidá y Reyes, a partir del 30 de payares. Les empreses van poder presentar ufiertes hasta les 12:00 hores del 15 de payares na Sección de Víes del Conceyu d’Uviéu (c/ Muñoz Degraín nº15).

El pliegu contempla la instalación, montaxe y desmontaje d’una pista de xelu natural d’anchor máximo de 12 metros y llargor llibre, con un espaciu aptu para patinar de 300 metros cuadraos, cubierta o descubierta; un mínimu de cuatro atracciones infantiles distintes, para menores ente 4 y 10 años; y un establecimientu d’hostelería destináu preferiblemente al públicu infantil, nel que nun se podrán ufrir bébores alcohóliques. L’horariu de funcionamientu va tar entendíu ente les 9:00 y les 22:00 hores tou los díes de la campaña. L’espaciu tendrá de quedar llibre’l 14 de xineru de 2019. Los licitadores tamién van poder ufiertar espectáculos o actuaciones.

La conceyala Ana Rivas destaca l’apueste d’esti Gobiernu por buscar una zona céntrica, alternativa a la Plaza de la Catedral que, amás, anguaño va tar n’obres pal arreglu parcial del pavimentu. El Paséu del Bombé “ye un espaciu más fayadizu, y con una redolada privilexada, nel Campu San Francisco”. Esta actividá tien al públicu infantil como protagonista. “Anguaño vamos faer un esfuerzu especial por que les actividaes infantiles estender dende primeros avientu hasta dempués de Reyes”, esplica’l conceyal de Cultura, Roberto Sánchez-Ramos, y añede que “el Paséu del Bombé nun va ser l’únicu espaciu destináu a los más pequenos, dende la Conceyalía de Cultura tamos trabayando n’otres actividaes culturales pa ellos dientro de la campaña navidiega”.

Cada licitador va poder ufiertar una, varies o toles opciones, magar se va realizar una xestión integrada del espaciu de forma que se disponga d’un proyectu unitariu pal espaciu nel so conxuntu y con actividaes compatibles ente sí.

  Categories: