Portada Fiestes El Bollu 2016: música folk, cantar asturianu, habaneres, alfarería tradicional, gastronomía y deporte

El Bollu 2016: música folk, cantar asturianu, habaneres, alfarería tradicional, gastronomía y deporte

by redacción asturnews

La conceyala de Festexos, Ana Hevia, presentó esta selmana pasada’l programa de les Fiestes d’El Bollu 2016, qu’arrinca’l sábadu 19 de marzu cola Gala de presentación de la Xana, Xanina y Dames d’Honor de les fiestes, que se celebren los díes 26, 27 y 28 de marzu, Llunes de Pascua. El cartelu anunciador de les fiestes ye obra del estudiu avilesín Signum.

La programación axunta conciertos de Luar Na Lubre, Cerezal y El Felechu; amás del Festival de Cantar Asturianu y XXV Alcuentru Coral d’Habaneres, la VII Feria d’Alfarería Tradicional “Villa d’Avilés” (FATVA 2016) ; l’habitual Concursu de Fabada y Fabada Pantagruélica; La Comida na Cai ( que yá cunta yá con 12.926 reserves efectuaes) y cuatro evento deportivos (Troféu Nacional de Skate, Milla Urbana y trofeos de Natación y Billar).

Tocantes a la Comida na cai, el númberu de persones inscrites , hasta esti momentu, algama les 12.926  reserves. El plazu d’inscripción sigue abiertu hasta’l sábadu 12 de marzu. El plazu pa inscribise nel sortéu pa Xana, Xanina y Dames d’Honor remata’l vienres 11 de marzu. Les inscripciones pueden realizase na Oficina de Turismu de 10 a 14 hores y de 16:30 a 18.00 hores. El sortéu celebrará l’en la Casa de Cultura (12 hores). Ye imprescindible que les neñes y nueves escoyíes tean presentes nel momentu del sortéu; en casu de nun atopase na Casa de Cultura dar en la elección d’otra persona.

Tamién te podria gustar