El bancu d’intercambiu de llibros de testu d’Uviéu entama’l llunes

El bancu d’intercambiu de llibros de testu d’Uviéu entama’l llunes
13 xunetu 11:25 2018 Imprimir

Elsti llunes 16 de xunetu empecipia la primer fase d’entrega de llibros per parte de les persones que deseyen participar nel intercambiu de llibros de testu, según informó’l Conceyu d’Uviéu esta selmana.

Un añu más la Conceyalía de Mocedá y Cruz Roxa Española ponen en marcha esta iniciativa empobinada a la población escolarizada d’Uviéu y les sos families. Tratase de facilitar l’intercambiu de llibros de testu en bon estáu, actualizaos pal cursu escolar 2017/2018 nos Centros Educativos d’Uviéu, correspondientes a los cursos de 3º a 6º de Primaria, 1º a 4º de Secundaria, y 1º y 2º de Bachilleratu.

N’apurriendo los sos llibros, recueyese un vale que va poder camudase a partir del día 23 d’este mesmu mes por otros , en función de la disponibilidá. Esta entrega de llibros va poder efectuase mientres tola próxima selmana y la recoyida va ser mientres la selmana siguiente (del 23 al 27 de xunetu), allegando a les dependencies municipales habilitaes nel Centru d’Estudios Vetusta na cai Miguel Indurain númberu 3. Tres esta primer fase, en septiembre va realizase una segunda riola d’apertura del bancu de llibros.

  Categories: