El 99% de los museos del mundu tien problemes pa consiguir visitantes

El director del Muséu Nacional Thyssen-Bornemisza, Guillermo Solana, afirmó la selmana pasada que la masificación ye un problema del unu per mil de los museos, que siempres tienen “el protagonismu” y l’escaparate” por ser “los más famosos”, pero non del restu de centros d’arte. “El 99 per cientu de los museos tien problemes para consiguir visitantes y l’unu per cientu ta enchíu”, señaló Solana.

Según Solana, “El Uffizi, el Louvre, el Prau delles vegaes, y el Moma” son los que tán “enchíos”. “Depués, una amplia zona na que nos apañamos según qué temporaes, y hai museos que, ensin merecelo, casi nun tienen visites”, dixo. Nesti sentíu, Solana celebra que se pasara la obsesión col númberu de visitantes” y “la competición ente museos”, daqué que fai xuna década yera “bien intensu”. Amás, amiesta que “los rankings son poco reveladores” porque “comparen coses que nun tienen comparanza posible”. “¿Qué tien que ver el Muséu de la Ciudá Prohibida De Beijing con un muséu d’arte nuna capital occidental?”, pregúntase.

Ente febreru y mayu d’esti 2019, el Muséu Thyssen programó una retrospectiva de la obra del artista polacu-francés Balthasar Klossowski de Rola (1908-2001), conocíu como Balthus. Aquella esposición llegó a la capital un añu y medio dempués de que miles de persones pidieren en Nueva York la retirada del Metropolitan d’una de les sos obres pola so “sexualización de los neños”.