El 8º Festival d’andar per casa programa trés rutes culturales en 9 viviendes

El 8º Festival d’andar per casa programa trés rutes culturales en 9 viviendes
13 xunetu 09:13 2018 Imprimir

El 8º Festival d’andar per casa programa trés rutes culturales en 9 viviendes d’Avilés esti vienres con salida a les 20hores dende la Plaza d’Alfonso VI.

La programación d’esti Festival d’andar per casa inclúi talleres de cocina, casa del terror, kamishibai, poesía, música, taller de gafes 3D ente otros. Incorpórense, como novedá, dos furgonetes-casa como see de les actividaes culturales, talamente como ficieron anuncia la conceyala de Mocedá, Raquel Ruiz, y miembros del colectivu “Como Pedro per so casa” na presentación esta esta selmana de la 8ª edición del Festival que piesla’l ciclu d’actividaes del cursu 2017-2018 d’El Patiu de la Mocedá.

Esti particular eventu cultural va abrir les cases de 9 vecines y vecinos d’Avilés p’acoyer distintes actividaes culturales. L’oxetivu ye dinamizar la vida cultural y artístico de la ciudá al empar que se fomenten les relaciones sociales ente distintos colectivos y ruémpense per una nueche les llendes ente l’espaciu público y privao.

Como principal novedá, anguaño incorpórense dos furgonetes-casa como una vivienda más amosando asina otres opciones de vivir y viaxar y, de la mesma, nuevos escenarios pa l’actividá cultural. Van Tar allugaes na plaza de José Martí.

La programación toma un ampliu númberu de propuestes culturales de distintes clases y pa tolos gustos que van dende los talleres de cocines de distintos llugares del mundu, pasando pola casa del terror, música, poesía y kamishibai, xuna antigua técnica xaponesa de cuntar cuentos.

Les persones participantes tán convidaes a participar cola ropa propio d’andar per casa (albornoces, zapatielles, pantuflas, rulos, mandiles…) anque tamién van poder faelo con ropa de cai. El puntu d’alcuentru pal empiezu del festival y pa quien quieran participar ye la Plaza d’Alfonso VI a les 20 hores. Na mesma plaza partirá la programación, que va consistir en trés rutes distintes con trés actividaes culturales de 50 minutos de duración caúna, con un alcuentru final na mesma plaza de salida.

Al empiezu del eventu, y una vegada aconceyaes toles persones asistentes, cada participante va tener qu’escoyer cuál de les trés rutes va querer realizar y van entamase los grupos que van tar dirixíos por una persona de la organización, pa darréu empezar el camín a cuerpu polos trés allugamientos nos que van tener llugar les actividaes del percorríu.

Más información

  Categories: