Portada Sociedá El 65% de los vascos castellanofalantes quieren ser euskaldunes

El 65% de los vascos castellanofalantes quieren ser euskaldunes

by asturnet

El 65,70 por cientu de los ciudadanos vascos que nun lu falaben tentaron de deprender l’euskera y el 55 por cientu amuesen interés por esa llingua, mentantu namái que’l 10% diz nun tar interesáu. Los datos son del estudiu ‘Tópicos, prexuicios y actitudes de la población castellanofalante ante l’euskera’, realizáu por Unesco Etxea pa la Viceconseyería de Política Llingüística del Gobiernu vascu.

L’informe presentáronlu esti dia en Bilbao’l responsable de la Viceconseyería, Patxi Baztarrika, el director de Promoción del Euskera, Joxé Antonio Rodríguez, el director de Coordinación de la Viceconseyería, Erramun Osa y les representantes d’Unesco Etxea y miembros del equipu investigador Itziar Idiazabal, Esti Amorrortu y Ane Ortega.

La investigación encargose hai trés años col enfotu de conocer “el pesu” de los prexuicios y actitudes de los falantes, asina como los “niveles d’implicación de los que deseamos que mañana tornen en compañeros de viaxe”, hacia l’oxetivu del billingüismu, según desplicó Baztarrika na rueda de prensa de presentación del trabayu. Esti estudiu fízose ente la población non euskaldún (vascofalante) de 18 a 55 años de la Comunidá Autónoma Vasca

Tamién te podria gustar