Portada Comunicación El 26 d’abril entama la 40 Selmana de les Lletres dedicada a la música

El 26 d’abril entama la 40 Selmana de les Lletres dedicada a la música

by redacción asturnews

Del 26 d’abril al 9 de mayu va celebrase la 40.ª edición de la Selmana de les Lletres Asturianes y les so les actividaes van tar dedicaes esti añu a la música n’asturianu y gallego-asturianu, con un programa que vieno acabante d’asoleyase nel entamar d’esta selmana santa.

Col lema “40 años al son de la nuestra música” y un programa d’actividaes bien completu, la Conseyería d’Educación y Cultura quier homenaxar la música como elementu fundamental d’espardimientu de la llingua.

Esti añu, celébrase pela primer vez el premiu musical escolar “El Mio Cantar”, cola actuación en directo de grupos que punxeron música a les canciones de los escolinos y escolines ganadores del concursu. Esta 40 Selmana de les Lletres Asturianes vamos poder averanos a lo meyor de la música asturiana.

Más d’una ventena d’actividaes incorporáronse al programa diseñáu pa la ocasión: talleres, gales musicales, conciertos, presentaciones de llibros, llectures públiques, certámenes lliterarios, Feria del Llibru y Discu, alcuentros escolares, entregues de premios, conciertos, representaciones teatrales… Too con munchu ritmu.

Equí pues descargar el Programa de la 40 Selmana de les Lletres.

Tamién te podria gustar